影片
更多
2016-03-12
5100 瀏覽
朋友聚會，黎到位於佐敦嘅R&B，呢度食物選擇唔算太多。Pineapple mojito ($52)好喜歡呢杯無酒精嘅Pineapple mojito杯入面有菠蘿冰、青檸、薄荷葉。飲品送上時附上一壺菠蘿汁，等你自己倒入杯中，讓菠蘿冰慢慢融化。菠蘿配合青檸同薄荷不但清新，而且可以解膩，味道亦好Snowboard ($148)呢個snowboard沙律比一般沙律豐富♥，材料非常多，包括有大蝦、蛋、沙樂美腸、南瓜、薯仔、雜果、沙律菜等，最正係送一個美式芝士火鍋醬伴沙律，呢個醬完全係精華所在。咁多款材料入面，唯一薯仔硬咗啲，其他不過不失。Cheesy corn fries ($58)Cheezy corn fries 份量係相當多，一大盤滿滿嘅幼身薯條上面加咗cajun味粉，味道同樓下同集團Applegreen嘅薯條基本上一樣。薯條上面有甜甜嘅粟米蓉同忌廉芝士醬，兩者份量慷慨，足以點伴所有薯條，嗜辣嘅可以點埋旁邊嘅醬汁，配上粟米蓉亦出奇地多咗一份清新，可惜薯條炸得唔夠香脆，而粟米蓉下面嘅薯條就更加稔了Sumo sandwich ($128)超肥仔burger！呢個burger嘅份量大得誇張！麵包
Pineapple mojito ($52)
好喜歡呢杯無酒精嘅Pineapple mojito杯入面有菠蘿冰、青檸、薄荷葉。飲品送上時附上一壺菠蘿汁，等你自己倒入杯中，讓菠蘿冰慢慢融化。菠蘿配合青檸同薄荷不但清新，而且可以解膩，味道亦好
Snowboard ($148)
呢個snowboard沙律比一般沙律豐富♥，材料非常多，包括有大蝦、蛋、沙樂美腸、南瓜、薯仔、雜果、沙律菜等，最正係送一個美式芝士火鍋醬伴沙律，呢個醬完全係精華所在。咁多款材料入面，唯一薯仔硬咗啲，其他不過不失。
Cheesy corn fries ($58)
Cheezy corn fries 份量係相當多，一大盤滿滿嘅幼身薯條上面加咗cajun味粉，味道同樓下同集團Applegreen嘅薯條基本上一樣。薯條上面有甜甜嘅粟米蓉同忌廉芝士醬，兩者份量慷慨，足以點伴所有薯條，嗜辣嘅可以點埋旁邊嘅醬汁，配上粟米蓉亦出奇地多咗一份清新，可惜薯條炸得唔夠香脆，而粟米蓉下面嘅薯條就更加稔了
Sumo sandwich ($128)
超肥仔burger！呢個burger嘅份量大得誇張！麵包烤過，入面微微脆脆的，中間塗咗牛油。餡料由上至下包括spam午餐肉、洋蔥天婦羅、照燒豬扒、菠蘿、生菜。我哋四個女仔share，每人1/4我都覺得漏！中間啲炸洋蔥幾滯！但係跟burger附送嘅炸薯角好食。
整體味道不過不失，亦不算有驚喜。
張貼
