150
68
13
港鐵佐敦站 D 出口, 步行約3分鐘 繼續閱讀
電話號碼
21915445
開飯介紹
Applegreen的姊妹店,店名其實是Research、Bakery的縮寫,意即不斷嘗試鑽研菜式的變化。 繼續閱讀
營業時間
今日營業
12:00 - 22:30
星期一至日
12:00 - 22:30
付款方式
Visa Master 現金 AE
其他資料
網上訂座
自帶酒水 詳細介紹
切餅費 詳細介紹
賞訂座積分
加一服務費
有關獎賞計劃
食評 (255)
等級1 2020-01-02
50 瀏覽
純粹打食評:好認真地試左幾樣野雞翼豬扒薯條粟米飲品食物方面總結,除左薯條,粟米正常其他都乾到喊出黎。而且性價比十分低,如果呢個價錢我相信有更好選擇。飲品方面,正常 有得refill 算係幾好。環境可以總結:我食左780幾蚊 ,2個人 。好認真,我唔明白點解咁多野都可以咁乾,真係好難入口,味道又一般,如果呢個價錢,好多都可以比佢更好。我第一次打食評晚原因係,我唔明白點解咁多人話佢ok,我心入面覺得好伏。但食完係夠飽既。環境黎講因為可能無坐滿關係,唔算覺得好壓迫。服務幾好,好快上菜同幫我地refill飲品。但如果要再選擇,我可以話,我唔會再去。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-11-10
989 瀏覽
同朋友行完街過嚟醫下肚,前菜要咗個沙律SnowboardSalad.食材都算有幾多,有蝦有蛋有火腿同埋菜撈埋啲芝士醬都幾好味,再嚟多份清酒木魚清湯炒蜆意粉,有好多蜆肉喺入邊,意粉煮得啱啱好都幾有咬口,味道都唔錯! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-02
1287 瀏覽
「R&B」嘅全寫是係Research & Bakery,早幾年前算係掀起一股熱潮。當時呢類型既特式餐廳並唔多,有創意菜式亦有舒服嘅環境,價錢亦唔算太貴,所以唔少年輕情侶、三五知己都會相約係R&B共進晚餐。餐廳裡面只有幾張枱係靠近落地玻璃,對住大馬路望住車來車往嘅環境同時亦令阿梁我諗起以前成日約朋友到餐廳分享生活瑣事既畫面,快樂嘅時光總係過得特別快!而今晚我就帶左阿張過黎,雖然阿張當年未出現,以前經歷嘅時光只能夠靠把口去講佢知。唯獨係食物我食過、覺得好味嘅,只要依家仲可以搵到黎食,我都希望可以分享比佢!張梁點餐👦🏻🧒🏻$98 Dirty Wings 污漕雞翼評分(10分滿分):8⃣食評💬:點解係污漕雞翼?因為食完之後真係會污漕😂無論係隻手又好牙又好嘴脣又好!一份污漕雞翼有八隻單骨雞翼,所以實質係4隻雞中翼,價錢一啲都唔平!唔知點解食落口無以前咁好食,無咁重口味無咁咸無咁熱辣辣,紫菜嘅質感亦唔同左,好似大塊左無咁碎?問過餐廳侍應,佢地好好,即刻整過一份比我地,話因為預先落左個酸汁所以雞翼會涼左,結果新果份嘅酸汁另上比我們,先似返多啲以前陣味!除酸汁之外仲配有一小兜辣醬,辣醬唔辣,不過雞翼一定要點埋個醬先好味!$188 Carbonara Pie 卡邦尼意粉批評分(10分滿分):8️⃣食評💬:個人認為卡邦尼意粉好少會整得唔好味,與別不同既地方係比較稠同埋比較濃味,而且有細細塊煙肉,數量唔會話太少,每一啖都可以連埋意粉一齊食咁制!總而言之👉🏻以前嘅R&B比較難book位,walkin更加要等位,今晚竟然walkin都有位,而且仲可以坐窗邊,欣賞下街景,非常正呢!不過,唔一定要多人食先係好野黎嘅!有好嘅環境,好嘅菜式同愛嘅人一齊就係最美好嘅時光!如果兩個人食嘅話,唔建議嗌超過三款菜式,記住唔好浪費食物吖!所以我通常靜係嗌呢兩樣😂***點餐時留意返~中文菜式名係直譯,唔係正式架!😂 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-24
1226 瀏覽
生日當晚俾人帶咗嚟呢間食西餐為主嘅餐廳食野,地方都幾闊落。靠窗仲有啲梳化位,望住個景食野,氣氛應該都唔錯。-海苔蜜糖雞翼海苔碎滿佈成個碗,份量太多反而影響食材本身味道。加上佢遍佈成隻雞翼,食完個陣儀容有機會唔太好。雞翼係單骨雞翼,食落比完整雞翼更方便。咬落外皮香脆,炸粉唔算過厚,雞肉質感唔會太鞋身。-Breakfast Sampler餐廳有all day breakfast選擇,仲可以比客人自己剔選配料,自由度較大。呢間餐廳嘅全日早餐配料味道大多都好特別,例如焗豆同腸仔。焗豆醬汁有微微香料味,茄汁味反而唔濃。腸仔比德國腸再濃味啲,稍嫌有點油。薯餅同炒蛋都不錯,炒蛋多點蛋漿會更滋味。最驚喜係多士同培根,多士烘得金黃鬆軟,外層酥脆,白麵包鬆軟無比,帶牛油香。培根薄脆,口感似薄片豬肉乾,食落都幾香。-LemonadeLemonade味道酸中帶點清爽,夏天飲幾清涼,亦有解油膩作用。不過呢度嘅切餅費都有少少貴,會收返100蚊,想慶祝特別節日嘅朋友要留意啦。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-08-28
1143 瀏覽
同朋友誤打誤撞發現呢間好有工業風嘅樓上西餐廳🤭🤭見大部分都係情侶約會 👫或者一大班朋友仔聚會👭👬有個大落地玻璃窗,可以望住街外,食埋風景,地方好chill👍🏼👍🏼🍔面包有烘過,仲脆卜卜😋😋呢碟意粉會連埋個pan一齊上 好特別😂😂見到每枱都必叫大大兜嘅薯條🍟個酸忌廉醬好正 ,食到停唔到口😋😋 繼續閱讀
(以上食評乃用戶個人意見 , 並不代表OpenRice之觀點。)