利強記北角雞蛋仔

營業中

休息中

北角雞蛋仔，聽就成日聽人講話好好食喇，不過因為嫌佢太遠，所以真係咁多年未試過。今日過開黎做野就順便試下佢啦！門面有好多明星幫襯既相，亦都有好多人排隊。作為一個香港人，見到有人排隊自然就唔會執輸，冇錯，我地已經一支箭咁去左排隊。雖然人龍係幾長，不過佢地都幾快手，所以唔使等好耐已經到我地喇…雞蛋仔真係好香呀，熱辣辣，外脆內軟，入口後雞蛋既香味即刻走晒出黎其實，呢期好多人都話佢失左準，又話d料少左好多咁，當然都係果句啦，有時，可能做生意果個都身不由己，周圍加租加得咁緊要，佢地唔賺多都要番本既…而可能我個人易滿足d，其實周圍食雞蛋仔都要$12、3，質素仲要差一截距離，$15一底真係算ok架喇。