影片
更多
2019-11-03
28 瀏覽
講左好多次想食蒸氣鍋，但提議親d朋友都話下下要睇住時間，傾計都傾得吾順暢，咁啱搵到呢間，有service嘅蒸氣鍋餐廳，又約到志同道合嘅朋友，終於有機會食啦。👏👏佢位置都吾難搵，金巴利道直行，到天文台道轉上去，行前多小小就會見到佢個燈箱，同埋有職員喺樓下接待。一早book定7點，心急既我哋6:30已經去到😂好彩時間早可以安排到👏👏餐廳喺二樓，梯間仲好多裝飾同埋照片。餐廳安排左2-4人卡位比我哋，座位與座位嘅空間都幾大，幾夠私隱。望望餐牌，好，就叫個「有蒸氣石鍋海鮮餐」來嘆下先😋。落完order，喺等待食物送來既時間，侍應就比d火鍋配料比我地溝醬，期間佢地喺度準備好我地個蒸氣石鍋。溝溝下海鮮就送到，又幾有效率喎。一切準備就緒，海鮮出場啦👏，第一樣送來既係沙包蜆同鮑魚，第一次見蟲草菇蒸鮑魚，又幾夾，鮑魚本身好新鮮，蒸既時間又啱啱好，食起上嚟好彈牙。蜆肉脹卜卜，鮮味十足。係我哋食緊嘅時候，與此同時，職員已經蒸好第二樣啦！海中蝦同日本元貝，元貝好大隻，粉絲蒜蓉蒸永遠冇得輸。蒜味很香，味道好鮮甜，而且蒸得剛好，吾會過老。海中蝦好爽。美國桶蠔，冇咩調味料，只有薑絲，大大隻，一咬落去蠔本身嘅汁擁出嚟，
講左好多次想食蒸氣鍋，但提議親d朋友都話下下要睇住時間，傾計都傾得吾順暢，咁啱搵到呢間，有service嘅蒸氣鍋餐廳，又約到志同道合嘅朋友，終於有機會食啦。👏👏
佢位置都吾難搵，金巴利道直行，到天文台道轉上去，行前多小小就會見到佢個燈箱，同埋有職員喺樓下接待。
一早book定7點，心急既我哋6:30已經去到😂好彩時間早可以安排到👏👏
餐廳喺二樓，梯間仲好多裝飾同埋照片。餐廳安排左2-4人卡位比我哋，座位與座位嘅空間都幾大，幾夠私隱。
望望餐牌，好，就叫個「有蒸氣石鍋海鮮餐」來嘆下先😋。
落完order，喺等待食物送來既時間，侍應就比d火鍋配料比我地溝醬，期間佢地喺度準備好我地個蒸氣石鍋。溝溝下海鮮就送到，又幾有效率喎。
一切準備就緒，海鮮出場啦👏，第一樣送來既係沙包蜆同鮑魚，第一次見蟲草菇蒸鮑魚，又幾夾，鮑魚本身好新鮮，蒸既時間又啱啱好，食起上嚟好彈牙。蜆肉脹卜卜，鮮味十足。
係我哋食緊嘅時候，與此同時，職員已經蒸好第二樣啦！海中蝦同日本元貝，元貝好大隻，粉絲蒜蓉蒸永遠冇得輸。蒜味很香，味道好鮮甜，而且蒸得剛好，吾會過老。海中蝦好爽。
美國桶蠔，冇咩調味料，只有薑絲，大大隻，一咬落去蠔本身嘅汁擁出嚟，口腔充滿着蠔嘅鮮甜味，而且啖啖肉😍
手剁豬肉丸同墨魚丸：墨魚丸爽口彈牙，咬落去仲有一粒粒嘅口感。豬肉丸爽爽地又有少少滑嘅口感，好得意。
薑蔥蒸鮮魷：估唔到佢有落埋豆卜，索哂薑蔥魷魚d汁，好鮮甜。魷魚都係彈牙嘅。
蒜蓉蒸勝瓜：呢個餸冇落調味料，只有蒜蓉，勝瓜就咁食會好普通而且冇味，點知加咗蒜蓉，唔單止幫助調味，更可以提鮮。又係完美組會合。
最後啦，當然係潛左係底好耐嘅粥啦。其實每次職員夾起海鮮俾我哋嘅時候，佢都會倒返海鮮本身嘅汁落個粥底度，所以呢個粥絕對係今晚所有海鮮嘅精華，好清甜，好鮮，每人可以食到兩碗，我食到唔想停😂
今餐食到我好飽，海鮮好新鮮，基本上自己配搭嘅醬都吾洗點乜制，剩係食佢啲鮮甜味已經好夠。
侍應好貼心，由頭到尾都唔需要我哋操心，佢哋會全程留意住個Timer，一響、侍應又會即刻出現，確保海鮮唔會過熟👍
張貼
