影片
更多
2020-11-12
2047 瀏覽
一直都未試過喺香港食omakase前排呀妹生日 我決定帶佢黎食順便自己都享受一下~~知道呢間成日都好full所以提早咗兩星期預約由book倒果日開始已經超級期待今次食lunch 500蚊果個set前菜有沙律菜同茶碗蒸我不嬲都好鍾意食茶碗蒸呢度蒸得好滑 仲加左黑松露醬成個層次昇華哂~刺身4品 款式日日唔同赤貝咬落爽脆鮮味魷魚撈埋啲海膽 呢個食法幾特別當日serve我地個師傅唔知係新黎定唔想講野佢冇逐一介紹每款魚 呢個位認真有D失望本身期望師傅會主動介紹下 講下個食法係點樣結果我地問一句 佢答一句 都幾冇癮 壽司7貫帶子 天使蝦鰤魚中拖羅松葉蟹 啖啖蟹肉再配埋酸汁啫喱 好正燒右口魚邊 炙燒後D魚油出哂黎 超級香甜蝦 面頭掃咗D蝦膏醬汁 一啖好似食咗成個海落肚咁迷你三色丼三文魚子 海膽同呑拿魚蓉全部食材都好鮮甜用黎撈飯真係岩哂當我地食緊三色丼嘅時候面前嘅師傅已經開始清洗佢張枱又抹又擦又開水喉洗野當時我地都呆左覺得有啲唔尊重食客我明白師傅已經做完野但其實一邊食野一邊望住你洗野都幾倒胃口 呢個位應該要注意返!!老實講野食係OK 但服務真係有待改善俾呢個價錢黎食野 都包埋個用餐體驗就算D野食幾好食
前排呀妹生日 我決定帶佢黎食
順便自己都享受一下~~
知道呢間成日都好full
所以提早咗兩星期預約
由book倒果日開始已經超級期待
今次食lunch 500蚊果個set
前菜有沙律菜同茶碗蒸我不嬲都好鍾意食茶碗蒸
呢度蒸得好滑
仲加左黑松露醬
成個層次昇華哂~
刺身4品 款式日日唔同
赤貝咬落爽脆鮮味魷魚撈埋啲海膽 呢個食法幾特別
當日serve我地個師傅唔知係新黎定唔想講野
佢冇逐一介紹每款魚 呢個位認真有D失望
本身期望師傅會主動介紹下 講下個食法係點樣
結果我地問一句 佢答一句 都幾冇癮
壽司7貫
帶子
天使蝦
鰤魚
中拖羅
松葉蟹 啖啖蟹肉再配埋酸汁啫喱 好正
燒右口魚邊 炙燒後D魚油出哂黎 超級香
甜蝦 面頭掃咗D蝦膏醬汁 一啖好似食咗成個海落肚咁
迷你三色丼
三文魚子 海膽同呑拿魚蓉全部食材都好鮮甜
用黎撈飯真係岩哂
當我地食緊三色丼嘅時候
面前嘅師傅已經開始清洗佢張枱
又抹又擦又開水喉洗野
當時我地都呆左
覺得有啲唔尊重食客
我明白師傅已經做完野
但其實一邊食野一邊望住你洗野
都幾倒胃口 呢個位應該要注意返!!
老實講野食係OK 但服務真係有待改善
俾呢個價錢黎食野 都包埋個用餐體驗
就算D野食幾好食都補唔返
張貼
