影片
更多
2022-05-11
439 瀏覽
晚市堂食開返嘅第一日！冇特別諗要去食咩，因為怕會有好多人，本身打算返屋企食/外賣算，但兜過去啲餐廳睇又發現唔係想像中咁多人！就去講左好耐話要食嘅江湖小棧～唔使等位真爽！蒜蓉排骨煲仔飯$83咁耐冇食一樣咁正！！！蒜蓉加排骨本身就係一件美事，將佢地變成煲仔飯原來都好好味😋煲仔飯嚟到要點做？！我嘅做法就係打開煲蓋，跟手落少少油、豉油然後蓋返住煲蓋，焗3分鐘！今次飯焦比例都好完美😎錫紙花甲粉$108辣辣地好惹味！花甲好新鮮、冇沙！！酸菜煮鱸魚$138太耐冇食酸菜魚，又試試呢度咩味道～魚嘅口感幾好，啲配料都👌🏼就係唔夠酸唔夠辣😛燒羊架$68羊架相對普通，冇乜羊味喔！燒乳鴿$68乳鴿Ok，不過未去到要必食～馬拉盞燒通菜$48掂！勁香馬拉盞味！呢個必叫呀！好滿足嘅一餐！好耐好耐冇係街食過晚飯啦，真係希望一切可以快啲回復正常！
冇特別諗要去食咩，因為怕會有好多人，本身打算返屋企食/外賣算，但兜過去啲餐廳睇又發現唔係想像中咁多人！
就去講左好耐話要食嘅江湖小棧～
唔使等位真爽！
蒜蓉排骨煲仔飯$83
咁耐冇食一樣咁正！！！
蒜蓉加排骨本身就係一件美事，將佢地變成煲仔飯原來都好好味😋
煲仔飯嚟到要點做？！
我嘅做法就係打開煲蓋，跟手落少少油、豉油然後蓋返住煲蓋，焗3分鐘！
今次飯焦比例都好完美😎
錫紙花甲粉$108
辣辣地好惹味！花甲好新鮮、冇沙！！
酸菜煮鱸魚$138
太耐冇食酸菜魚，又試試呢度咩味道～
魚嘅口感幾好，啲配料都👌🏼
就係唔夠酸唔夠辣😛
燒羊架$68
羊架相對普通，冇乜羊味喔！
燒乳鴿$68
乳鴿Ok，不過未去到要必食～
馬拉盞燒通菜$48
掂！勁香馬拉盞味！呢個必叫呀！
好滿足嘅一餐！好耐好耐冇係街食過晚飯啦，真係希望一切可以快啲回復正常！
張貼
