Running 燒 (已結業)

上次同朋友係呢楝大廈食過一間甜品，開時見到下層有間一聽個名就知係食韓燒既Running燒 燒肉店，今次就黎試下！呢度既肉類選擇好多，我特別豬中意食豬肉。而我最欣賞係佢既五花腩！厚切腩肉脂肪岩岩好，唔好太肥膩。用生菜包住食，連埋肉汁 啖啖肉，正~多款海鮮入面我要讚佢既大蝦，因為我好介意係燒烤店成日食到既蝦都好大陣雪藏味，但我又好中意食蝦，所以點都要點黎試下😝唔錯，佢既蝦不但好大隻 無雪藏味，而且鮮味彈牙。*食韓燒點可以冇真露呢*食到中途，我用店員一早準備既蘿白擦燒烤板，果然有效清潔d燶左既地方！又幾新奇喎 哈哈。仲有呢度有好多韓式小食點，例如韓國年糕，炒粉絲，辛辣麵等等。我最中意係呢個韓式炸雞。醬汁酸酸甜甜，真係同我係韓國食過既炸雞好似呀😍必點~~~最後既甜品令我驚喜。我點左紅豆同士多啤梨味刨冰，食完燒肉再食d咁涼浸浸既野真係正~而且刨冰入面有好多得意配料，例如有柚子汁流出黎既珍珠，煙煙韌韌既丸子等，令成個刨冰更賞心悅目。食完呢餐韓風燒烤，可以一止我又想我韓國既慾望呢。