影片
更多
2023-06-27
69 瀏覽
阿仔去左上堂，咁我地兩老就自己搵節目，最後就決定帶埋狗狗入將軍澳海邊行下，然後就去Pet-Friendly嘅DHYC Dimsum Restaurant食點心。其實之前都見好多狗友對依度大讚，今次嚟到又真係覺得冇介紹錯，有狗狗就會安排半室內位置坐，不過我覺得仲好，因為可以望住個靚海景歎茶，成件事都好CHILL。飲茶就最緊要杯茶，先嚟杯型茶壺好得意，而可以一人一壺揀自己杯茶。我就揀左人參烏龍，老公就嚟左杯龍井。唔飲熱茶嘅可以揀冷泡茶、檸檬茶依啲種類呀~點心種類佢都好多，先嚟酥軟外皮包著熱辣辣嘅叉燒嘅焗叉燒包~大大粒嘅牛肉球~有驚喜嘅蒜蓉粉絲蒸鮮魷， 鮮魷彈牙有咬口，而最重點係佢個粉絲底，索曬精華蒜蓉辣醬汁，所以超好味呀~窩貼蝦多士我都鐘意，多士焗得脆口但唔油膩，而且啲蝦膠好彈牙，配埋個雜果沙律一齊食，個味真係好夾。足料嘅鮮蝦脆米網腸粉，腸粉入面包住成隻蝦，再用脆米網包住，咁就係外皮滑滑，入面又脆卜卜，好有層次感呢~作為一個小籠包控就一定要叫佢地嘅招牌小籠包，小籠包外型漲卜卜，咬落勁爆汁而且肉味鮮甜，絕對係皮薄餡靚。仲有懷舊灌湯餃，同平時一般湯浸住嘅灌湯餃唔同，佢係大大隻蒸既(真係有成大半
其實之前都見好多狗友對依度大讚，今次嚟到又真係覺得冇介紹錯，有狗狗就會安排半室內位置坐，不過我覺得仲好，因為可以望住個靚海景歎茶，成件事都好CHILL。
飲茶就最緊要杯茶，先嚟杯型茶壺好得意，而可以一人一壺揀自己杯茶。我就揀左人參烏龍，老公就嚟左杯龍井。唔飲熱茶嘅可以揀冷泡茶、檸檬茶依啲種類呀~
點心種類佢都好多，先嚟酥軟外皮包著熱辣辣嘅叉燒嘅焗叉燒包~
大大粒嘅牛肉球~
有驚喜嘅蒜蓉粉絲蒸鮮魷， 鮮魷彈牙有咬口，而最重點係佢個粉絲底，索曬精華蒜蓉辣醬汁，所以超好味呀~
窩貼蝦多士我都鐘意，多士焗得脆口但唔油膩，而且啲蝦膠好彈牙，配埋個雜果沙律一齊食，個味真係好夾。
足料嘅鮮蝦脆米網腸粉，腸粉入面包住成隻蝦，再用脆米網包住，咁就係外皮滑滑，入面又脆卜卜，好有層次感呢~
作為一個小籠包控就一定要叫佢地嘅招牌小籠包，小籠包外型漲卜卜，咬落勁爆汁而且肉味鮮甜，絕對係皮薄餡靚。
仲有懷舊灌湯餃，同平時一般湯浸住嘅灌湯餃唔同，佢係大大隻蒸既(真係有成大半手掌咁大呀)。店員姐姐送上提我地記住襯熱食，咬一口就見到勁多餡料，鮮甜得嚟又勁多汁，好好JUICY，真係要放落碗食先得。
雖然食點心都好飽飽，不過見到紅棗糕都一定要叫返籠。好香紅棗味而且口感柔煙煙靭靭，最好就係唔太甜，所以食多幾件都唔怕。
老公就嚟左碗解暑嘅凍綠豆沙，佢話綿滑而且仲煲到起沙，好好味。
好少地方有靚VIEW，食物又唔錯，最重要係可以加狗一齊，仲唔係啱晒我地，所以我地應該會再嚟呀！
張貼
