張公館

營業中

休息中

呢間位於銅鑼灣鬧市嘅海景中菜餐廳，地點方便，環境開陽舒適。邊嘆靚景邊用餐，大飽口福同眼福，雙重享受。菜式融合傳統概念同現代創意，十分多元化。除左粵菜之外，仲有其他唔同地方嘅中菜，選擇好多。一坐低就有花生魚仔同蕎頭做前菜，魚仔大大條又脆口，食到停唔到口🤣。鯊魚骨瑤柱用鯊魚骨同瑤柱熬成奶白色嘅湯，湯嘅質感較濃稠，裏面仲加咗啲杞子，每一啖都係精華。紅燒乳鴿乳鴿皮香肉嫩，唔使點淮鹽或醬汁都好夠味。新加坡胡椒蟹爪粉絲煲呢道菜式係張公館十大招牌名菜之一，螃蟹鮮嫩多肉，黑胡椒醬料嘅辣味又香又惹味，粉絲吸收曬醬汁，用黎餸飯就啱曬，嗜辣嘅朋友一定唔可以錯過。😍上湯蒸星班伴脆皮紫菜賣相矜貴又精緻，用蠟燭加熱一直保持溫度。上湯清淡唔油膩，配嫩滑嘅星班肉同豆腐，加多一片脆皮紫菜，增加口感層次。