影片
更多
2021-05-11
3246 瀏覽
同男朋友嘅少少紀念日，專登搵咗間環境好靚嘅餐廳試吓！果然不負眾望，值得我俾10個好評！👍🏻香煎蟹餅伴青檸珍珠真材實料嘅蟹餅，入邊一絲絲嘅蟹肉，煎非常非常脆口，就算切開都相當實淨。配上青檸味嘅爆珠，同黑醋汁沙律真係多返一點青新，屬非常好嘅配搭。👍🏻龍蝦濃湯伴海鮮雲吞龍蝦味起晒泡，超濃郁！海鮮雲吞炸過，入邊蝦肉餡料爆滿。（職員仲會問你需唔需要加黑胡椒），飲完口腔仲徘徊緊個龍蝦味。👍🏻美國特級安格斯西冷扒（ 10安士）一上枱已經聞到嗰陣炭燒嘅味，要咗medium rare，火候真係啱啱好，肉質粉嫩，牛味濃重。亦都因為廚師拿捏嘅時間好準確，完全冇浪費到呢一塊牛扒，好Juicy啊！拌碟嘅薯蓉十分綿滑（餐廳仲會喺上店之前問你要唔要芥末醬）👍🏻炭燒羊柳伴南瓜意大利飯點餐嘅時候餐廳會問飯嘅軟硬程度（我揀咗淋啲）。羊扒有少少羶味不過調味得宜，幾淋身。南瓜意大利飯超入味，口感亦都帶少少煙靭感，幾夠creamy，飯入面帶有厚切蘑菇，加添口感。👍🏻Sunshine surprise 真係超級驚喜嘅一杯飲品，有乳酪嘅甜亦都有橙汁和檸檬汁嘅酸，入口好夾。成杯飲品都有好用心去裝飾！👍🏻椰子意式奶凍奶凍底部嘅芒果汁超
👍🏻香煎蟹餅伴青檸珍珠
真材實料嘅蟹餅，入邊一絲絲嘅蟹肉，煎非常非常脆口，就算切開都相當實淨。配上青檸味嘅爆珠，同黑醋汁沙律真係多返一點青新，屬非常好嘅配搭。
👍🏻龍蝦濃湯伴海鮮雲吞
龍蝦味起晒泡，超濃郁！海鮮雲吞炸過，入邊蝦肉餡料爆滿。（職員仲會問你需唔需要加黑胡椒），飲完口腔仲徘徊緊個龍蝦味。
👍🏻美國特級安格斯西冷扒（ 10安士）
一上枱已經聞到嗰陣炭燒嘅味，要咗medium rare，火候真係啱啱好，肉質粉嫩，牛味濃重。亦都因為廚師拿捏嘅時間好準確，完全冇浪費到呢一塊牛扒，好Juicy啊！拌碟嘅薯蓉十分綿滑（餐廳仲會喺上店之前問你要唔要芥末醬）
👍🏻炭燒羊柳伴南瓜意大利飯
點餐嘅時候餐廳會問飯嘅軟硬程度（我揀咗淋啲）。羊扒有少少羶味不過調味得宜，幾淋身。南瓜意大利飯超入味，口感亦都帶少少煙靭感，幾夠creamy，飯入面帶有厚切蘑菇，加添口感。
👍🏻Sunshine surprise
真係超級驚喜嘅一杯飲品，有乳酪嘅甜亦都有橙汁和檸檬汁嘅酸，入口好夾。成杯飲品都有好用心去裝飾！
👍🏻椰子意式奶凍
奶凍底部嘅芒果汁超甜超滑，拌上碟豆花葉同薄荷葉，奶凍多咗一份清新。
👍🏻👍🏻職員服務殷勤，每食完一道菜都會幫我換碟，呢碟仲要啱啱消毒完暖暖的，更加會不停幫我倒暖水。（又溫柔又細心）
👍🏻👍🏻環境好舒適，高空飽覽無遺，仲可以望住個夕陽慢慢西下然後搖身一變成為個燭光晚餐。
💡而家OpenRice訂座有七五折至八五折！
張貼
