初見 (已結業)

去朗豪坊睇戲，當然要順便去埋附近搵美食。今日我同友人一齊去食日本吉列牛，而呢間「初見」之前我已經喺荃灣食過，今日佢到旺角開分店，當然唔可以錯過。我好鍾意哋店鋪嘅名，好似時刻提醒我哋要懷有初心，若果係咁樣嘅話人生真係非常美好。當日，我哋9點入座，而舖頭幾寬敞舒適，座位安排得唔錯，仲可以自己scan QR code落單。我同朋友就order左初見香草吉列牛（$146），再加$8轉拉麵🍜。用黎上枱嘅石板喺上枱嘅時候已經預先預熱左，我哋可以直接放啲牛肉上去。綠色脆吉列皮包住鮮紅色嘅牛扒，呢種顏色配搭好特別，肥瘦亦十分均勻。當你放上去一陣之後，內裏就會變成粉嫩色，咁就可以食得啦！我最鍾意嘅係可以自己控制熟度，而且一啖容易入口，十分嫩滑，吉列皮煎好之後亦都好脆。而拉麵配上鮮味豚骨湯底， 仲有半熟開邊溫泉蛋，真係好滋味。另外，我都加左碟什錦魚生沙律（$52），有不同款式嘅刺身切粒，例如三文魚、吞拿魚等，配上沙律，食喺黎好清新。