Project B (已結業)

今日大約13:00 同屋企人去食午餐 2個人入座 坐咗5分鐘臨時想加多1位 有侍應同我講出面多人等 轉頭安排比我哋 等咗20分鐘 隔離2人枱有人走 再同佢講要求加位 點知黑面回應唔得 我等期間望過幾次門口 都有人入座 再同佢講嘅時候 出面都已經淨返1對男士未入座 唔明點解唔會安排 而且其中一個男侍應態度奇差 我話之後唔再嚟食 暗中話我咁串 仲要講咗幾次 真係態度差得十分離譜！我只係要求加位 仲要等咗20分鐘都無辦法安排到 仲要黑面咁嘅態度 真係嬲到震！