時代冰室 (已結業)

夜晚專誠去太子店食酸菜魚同煲仔飯，落單個店員聽到我地想叫哩兩樣即刻大笑，一路笑一路話得返餐牌可以叫，好似我地專登留難佢咁同時間凳上面啲膠牌貼住烤魚poster話供應時間係5點半後，隔離枱都係啱啱開始食。餐牌都冇雞煲但又可以嗌喎～咁點解酸菜魚同煲仔飯冇哂就要比你笑呢？個店員到底笑咩呢？我地點知賣哂？如果想練舉手同比店員恥笑，可以去食下，服務態度仲衰過澳牛。個飯嚟到成pat糊仔咁，撈麵又撈唔均，雞髀又老又鞋，唔會有下次。