影片
更多
2023-05-27
117 瀏覽
本來都幾鍾意嚟呢到食，味道唔會話太差，點知今日之後決定B！L！A！C！K！L！I！S！T！咗佢！以後都唔會嚟食！😡🤬今日一早12:10pm到入去食，佢地12:00pm開門嘅。我如常叫嘢食啦，叫完之後，佢地收到個大訂單，跟住同我講要等耐啲要等十幾分鐘！我地叫咗兩個飯，兩個都係lunch meun入面，一個係豬頸肉飯，一個係蠔仔蛋飯。過咗十幾分鐘，豬頸肉飯到咗喇！再過多十幾分鐘，即係最少半個鐘，我決定問下咁蠔仔蛋飯幾時有，都等咗double時間！佢同我講「無架喇我地有張成萬蚊嘅外賣單，一係你轉豬頸肉飯，一係海南雞飯囉！你嗰個未有時間煎啊！等多十幾廿分鐘，答你唔到準確時間！」過咗兩分鐘，我諗好要豬頸肉飯，再同侍應講聲，佢話「叫海南雞飯啦，斬雞咋唔洗整！」我好無奈，因為頭先又有得比我揀，而家又話無，跟住佢話「咁你等下先喇！」我等緊碟豬頸肉飯嘅時候，有個人嚟拎外賣，啲侍應話「你等陣啊，我即叫廚房炒個金邊粉比你！」即刻嬲嬲地，人地外賣就即炒，我等咗大半個鐘就唔可以炒架咩？雖然無出到聲，繼續默默咁等。跟住豬頸肉飯終於到，啲肉唔似平時咁平排擺，同埋粘住哂未斬開哂都算。最嬲嘅係！我個飯到咗一陣，幾分鐘都
今日一早12:10pm到入去食，佢地12:00pm開門嘅。我如常叫嘢食啦，叫完之後，佢地收到個大訂單，跟住同我講要等耐啲要等十幾分鐘！
我地叫咗兩個飯，兩個都係lunch meun入面，一個係豬頸肉飯，一個係蠔仔蛋飯。
過咗十幾分鐘，豬頸肉飯到咗喇！
再過多十幾分鐘，即係最少半個鐘，我決定問下咁蠔仔蛋飯幾時有，都等咗double時間！
佢同我講「無架喇我地有張成萬蚊嘅外賣單，一係你轉豬頸肉飯，一係海南雞飯囉！你嗰個未有時間煎啊！等多十幾廿分鐘，答你唔到準確時間！」
過咗兩分鐘，我諗好要豬頸肉飯，再同侍應講聲，佢話「叫海南雞飯啦，斬雞咋唔洗整！」
我好無奈，因為頭先又有得比我揀，而家又話無，跟住佢話「咁你等下先喇！」
我等緊碟豬頸肉飯嘅時候，有個人嚟拎外賣，啲侍應話「你等陣啊，我即叫廚房炒個金邊粉比你！」即刻嬲嬲地，人地外賣就即炒，我等咗大半個鐘就唔可以炒架咩？雖然無出到聲，繼續默默咁等。
跟住豬頸肉飯終於到，啲肉唔似平時咁平排擺，同埋粘住哂未斬開哂都算。最嬲嘅係！我個飯到咗一陣，幾分鐘都無！佢上咗個蠔仔蛋飯比一個遲過我好多嘅人入嚟！
本來我問佢幾時到嗰陣時，佢話要等多十幾廿分鐘啦，答我唔到喎！由我轉嘢食到，佢個蠔仔蛋上碟，真心十分鐘內！食到成肚氣！咁即係玩我姐，又話要等好耐，點知轉個頭煎比其他人先…
我明有外賣單，我都耐心等待，大半個鐘都無催過，真係等太耐先決定禮貌問下嘢食有未，因為真係等得耐過佢講嘅時間，餐廳其他人啲嘢食都上緊。
p.s. 本來加咗個鳳爪沙律，單都無幫我加過🥹諗住等緊期間可以食住呢個先，點知都係無見過佢，但其他人枱就有
1 瀏覽
0 讚好
0 留言
張貼
