倫哥尊尚火鍋私房菜 (已結業)

食過幾次，依間既服務態度真係好差。以前食咁多次，啲服務員都會一次過上晒所有火鍋配料，都會非常熱心咁同我地介紹各種海鮮，再同我地講邊喲係可以添加。但係今次，拎完個火鍋嚟之後，其他配料一樣都冇上過，叫咗三次之後都仲係話執緊。有一個服務員仲要不停同客人傾計，完全冇理過我哋。結果等左20分鐘之後，先有人送火鍋配料俾我哋。之後叫咗幾次唔同嘅配料，都係繼續漏單，已經係最簡單嘅響鈴，每次應完就當冇咗件事。最後同佢講上甜品，就當我地埋單，送咗張單過嚟，甜品完全冇咗回事，又要再講多一次先肯上。未搬之前，啲員工都好熱心，上菜速度好快。今次之後，一定唔會嚟呢間分店度食。