炯記餐室 (美麗閣)

營業中

休息中

經過北角烱記，想要加送夜晚食飯。入去叫咗半斤叉燒半斤燒腩仔。收銀阿姐塊面黑到唔想做咁。問佢可以點樣收錢，冇八達通淨係可以用Alipay。問多句都好似得罪咗佢。跟住到燒臘枱入膠袋個阿姐，我話姜蓉另外上唔該。佢話姜蓉另外上要加$5，我話你邊度寫要加錢。佢話公司規定，我話點解菜單冇寫到，佢話總之公司規定啦。問題係，佢係有俾我姜蓉另外上。一路放入去一路話要加錢，咁你點解唔收我錢。即係想話俾我知着數左比我呀？真係好耐冇見過啲人態度咁差。唔會再有下次，啲老細請啲咁嘅員工真係幫你倒米。