山東小館 (已結業)

第一次去想點墨魚荸薺餃就話已經賣晒😩，只好點其他嘢食，最終點了酸辣湯酸菜餃麵、手撕雞湯麵、西洋菜餃及葱油餅。嘢食送到嚟發現有問題，酸辣湯酸菜餃麵冇咗酸辣湯，問個店員佢話我哋無叫酸辣湯底，堅持話出咗單冇得換，唔肯換返畀我，咁嘅服務態度已經令我即時唔想再去幫襯😠，再嚟西洋菜餃，一食發覺個餃係苦味，再問店員話西洋菜不合時所以係咁，我真係火到嚟，唔合時食材妳哋都堅持要做出嚟賣畀客，中國人有句叫不時不食啦，如果明知做出嚟係唔好味都要做，呢間舖就真係有問題😡，之後手撕雞一般，葱油餅就不錯，但最後畀錢時聽到隔離枱話啲豆漿無味仲帶啲酸，真係好彩無叫😱