金太郎 (已結業)

平時都有黎開呢度到食野，貪佢平平地，味道都算係咁啦。雖然環境同衛生都普普通通，服務態度又唔多好，但依然比同級食店水平要好，不過今次我真係食到火都黎埋！先開始講講我對旺角登打士街金太郎既各項評價——味道：綜合水平都唔差環境：普普通通服務：原本已經唔多好，今次更加差到扯火衛生：普普通通抵食：價錢ok平，食物唔差，都幾抵食到講返今次事件啦……我同三個朋友黎食lunch，叫左四個定食(都係飯黎嫁)同幾碟剌身，其中有兩個一樣係秋刀魚飯。先黎左一個秋刀魚飯，侍應話仲有一個整緊嫁啦，好快黎，咁我就先讓俾朋友食先。d野食好快黎齊，除左我個秋刀魚飯。食到半路，個飯都仲未黎，我催佢快d，佢又再一次話好快黎。到佢地食完晒野，我個秋刀魚飯竟然都仲未黎！我又再一次催佢，佢同我講煎緊條秋刀魚嫁啦，我當堂呆左。最離譜係佢煎秋刀魚又煎多左十幾分鐘！姐係我又等多左十幾分鐘。我催佢果陣又話煎緊？然後當我一食完個飯，佢話員工食飯時間，要用我地張檯，叫我地搬去第度。佢係咪係度趕客走呀？嘩！呢d咩服務態度黎嫁？食到我火都黎埋！如果OpenRice有負分制度既話，我一定俾負分佢！