影片
更多
2011-04-01
762 瀏覽
先講服務, 呢間酒樓, 係同德興火鍋同層, 德興火鍋比較大, 聚德軒較細, 我們已預先訂座聚德軒, 到知客處攞位, 同佢講, x小姐, 12位既, 佢問係咪9xxx xxxx呀, 我地唔係好記得, 話睇下係咪先, 跟住攞個手提出來個時, 佢又話, 得一個x小姐之嘛, 入去啦, 心諗, 咁你又問係咪個個手提.........入到去坐底, 問去洗手間係邊, 原來又要出番門口係德興個邊, 去完見到德興個邊食火鍋啲人啲野好似幾得, 就去咗其中一張吉枱度攞咗一張自助火鍋點菜紙來睇, 個知客一見到, 就話, 你唔係食火鍋可唔可以唔好攞張火鍋紙入去呀, 一陣佢地以為你食火鍋呀, 我就話, 我見啲火鍋ok先攞張來睇下有咩食咋喎, 唔係咁都唔睇得呀, 食咩我地會叫啦, 唔係以為就會拎個火鍋來同我地上火鍋料呀, 佢就話, 咁你一陣睇完拎番出來, 我話一張紙咋喎, 洗唔洗咁孤寒呀, 佢啤住我啤到我入到酒樓裡面, 入到去枱面放好咗餐具同一隻茶杯一隻酒水杯, 我唔飲酒水既, 我就將茶倒落酒水杯度, 又有個侍應行埋來話, 你一陣點飲酒水呀, 啲茶倒落茶杯度啦, 我答佢, 我唔飲酒水架, 佢仲要加多句, 每人一隻酒
到食飯啦, 我地已經有十一個人到咗, 仲有一個人未來, 咁叫佢上定菜啦, 都差唔多來啦, 同佢講, 佢一行埋來就話, 人齊啦咩你地, 你地話上架咋, 啲菜好快來架, 一叫就來架啦, 我地啲餸好快來晒架啦, 我地答話係呀, 上得架啦, 跟手碟乳豬真係好快來咗既, 但係之後既餸係每食完一碟, 就等等等等等, 傾計傾好耐先上一碟, 同埋啲次序亂咁來, 以下就係上菜次序...
1. 乳豬, 皮脆但頗肥
2. 南乳脆皮吊燒雞, ok但係頗細隻
3. 蒸大石班, 全晚最好味,滑, 但係唔可叫佢做大石班, 只係中型既魚
4. XO醬綠野遊龍, 即係xo 醬炒甜豆雜菌開邊中蝦
5. 雞絲生翅, 好希, 有雞絲同翅碎, 普普通通
6. 花菇玉掌, 呢碟勁多芡同埋啲芡勁杰
7. 蟹籽海皇炒飯, 又係勁杰既芡係飯面, 啲飯好濕, 海皇其實只係得幾隻蝦同啲紅蘿蔔係面
8. 壽包, 等好勁耐, 最後見佢一出就出咗好多籠, 擺明就係要等晒所有叫咗呢個餐既人食晒啲野先蒸
9. 生果, 西瓜同哈密瓜
食飯過程無人換過碟, 就算你地個個成個骨碟滿晒都唔會同你換, 我地要每次食完就倒啲骨係食完個碟餸既碟度, 就算啲侍應睇到咁都唔會同你換碟, 到到我地食花菇玉掌既時候跟本放唔落啲骨, 叫佢換佢仲黑口黑面先同我地換, 呢間野真係你請我來都無下次呀...........
張貼
