東海酒家 (已結業)

星期六晚一行十二人到這裡替爸爸慶祝生日，叫了一個加埋成三千五百元嘅套餐。果晚得幾枱客，我地個corner位有四張大枱，其中兩枱只是點小菜，另外我地同隔離果枱都係叫左同一個套餐。我地d餸菜同一時間出，到上鲍魚時（用刀叉），我見到一男一女總共兩個侍應竟然幫果枱分鲍魚，而我地果碟鲍魚佢地就咁放係我地張枱個轉盤上比我地自己搞掂。我地成晚都係自己搞掂，呢間話有幾咁出名嘅東海海鲜酒家根本就言過其實，以佢咁嘅價錢加埋咁嘅服務態度，我根本大把選擇。果個男侍應仲要係鞋口鞋面，一d笑容都冇，叫佢打包d餸菜，佢成袋肥瀮瀮嘅猪頭遞埋我個面度要我自己接，仲係用個好細個嘅膠袋載住。這是什麼服務態度?隔離果枱又係慶祝老人家生日，我地又係，大家都係比咁多錢，但我們得不到最基本的服務。後來我叫個男侍應幫我地分咗d鲍魚，佢仲好奇怪咁顿一顿。後來我忍不住問個女侍應點解佢地同隔離果枱分鲍魚，但唔同我地分，我問佢係唔係只係serve隔離果枱，佢即答我唔係，冇呀。後來仲見佢細細聲同個男侍應咬耳朵。我地以後都唔會再幫襯佢。