天吉屋 (已結業)

前晚滿心期待到呢間餐廳食晚飯，同埋疫情期間，比較少人排隊，排咗陣就到我哋喇～點菜時已知道用膳時間45分鐘，但都食得勁趕，其中之一原因，員工冇簡單介紹食法，淨係叫我哋睇張牌，又冇溫馨提示可以添飯同埋最後可以要求熱鏗魚湯。最後係未到45分鐘，一位身型較豐腴員工通知我哋用膳時間差唔多到，催我哋交枱，問題係隔離枱同後面枱都比我哋早入座、點菜同上菜，員工完成無到個兩枱催交枱囉，但我哋就最快比人趕，搞到我哋以為係咪按人數計時間？人數越多，用膳時間越多？定係睇心情簡人催？飯都未食完，未放低筷子就要埋單走人，全程唔洗一個鐘，最快嘅晚餐。趕客嘅行為態度，我唔會再幫襯。