影片
更多
2020-08-28
1375 瀏覽
住元朗咁耐，知道呢間出名成日門口排哂隊，雖然想試但又唔想等咁耐見疫情關係，又早起身，唔洗等好多張檯就試下佢，雖然只係等5張，都等左半個鐘入去後，職員話只可落一次單，亦有限時，但坐底之後餐牌都無人比我地，又無幫我地開茶，要我地叫左幾次先有人理本來滿心期待想試古法千層糕，點知去到先發現無做好耐無做又唔係餐牌delete我地叫左杯凍奶茶，個年輕男侍應放底杯野果時瀉到成檯都係，我叫佢抹一下，佢係真係抹一下，成檯依然係奶茶佢照走開食物方面炸芋角：唔洗3分鐘就到，可想而知一定係炸定，炸野放耐左自然係好難食仲要得兩件，唔抵食流沙包：唔流心，失敗沙嗲豬大腸：本身唔特別好，見佢寫住係招牌菜就試下，同平時酒樓無咩大分別鮮蝦腸：佢寫住係古法手拉，但好明顯唔係，蝦係冰鮮雪味重，腸粉都一定唔係手拉，似叫貨質素，平時d酒樓仲好食，仲要佢份量比平時酒樓細好多蝦醬蒸腩仔飯：佢好明顯係係白飯上面放幾片腩片同蝦醬，唔係一齊蒸，所以真係純白飯無肉汁滲入飯，你自己番屋企白灼腩片跟住撈蝦醬放係白飯上面就可以食到佢呢個招牌菜，一d誠意都無薑汁燉鮮奶：呢餐唯一價錢合理又好食嘅初初見到佢餐牌價錢唔算好貴，點知野食黎到份量係好少好細份
見疫情關係，又早起身，唔洗等好多張檯就試下佢，雖然只係等5張，都等左半個鐘
入去後，職員話只可落一次單，亦有限時，但坐底之後餐牌都無人比我地，又無幫我地開茶，要我地叫左幾次先有人理
本來滿心期待想試古法千層糕，點知去到先發現無做好耐無做又唔係餐牌delete
我地叫左杯凍奶茶，個年輕男侍應放底杯野果時瀉到成檯都係，我叫佢抹一下，佢係真係抹一下，成檯依然係奶茶佢照走開
食物方面
炸芋角：唔洗3分鐘就到，可想而知一定係炸定，炸野放耐左自然係好難食仲要得兩件，唔抵食
流沙包：唔流心，失敗
沙嗲豬大腸：本身唔特別好，見佢寫住係招牌菜就試下，同平時酒樓無咩大分別
鮮蝦腸：佢寫住係古法手拉，但好明顯唔係，蝦係冰鮮雪味重，腸粉都一定唔係手拉，似叫貨質素，平時d酒樓仲好食，仲要佢份量比平時酒樓細好多
蝦醬蒸腩仔飯：佢好明顯係係白飯上面放幾片腩片同蝦醬，唔係一齊蒸，所以真係純白飯無肉汁滲入飯，你自己番屋企白灼腩片跟住撈蝦醬放係白飯上面就可以食到佢呢個招牌菜，一d誠意都無
薑汁燉鮮奶：呢餐唯一價錢合理又好食嘅
初初見到佢餐牌價錢唔算好貴，點知野食黎到份量係好少好細份，咁樣食二百蚊一d都唔抵，過對面酒樓飲茶仲好食
同區有幾間唔同嘅x哥點心店，人地真係即叫即整，好食好多，事但一間都好過呢間，仲要服務態度咁差，真係完全唔明點解可以日日咁多人排。香港人只係食名氣？
張貼