影片
更多
2021-02-23
164 瀏覽
一早見到OpenRice 有呢間餐廳有優惠，可以享用免費辣辣香鍋一客，只需付原價的10%服務費。咁我第一次同朋友去，我朋友就用佢OpenRice account book咗1月尾11點去食。第一次食我哋唔需要叫其他食物都可以享用到呢個優惠。十一點一開門去，人流較少，員工多，所以服務尚可，有熱水壺提供。最後食完，俾咗$33 左右服務費。第二次，我另外一位朋友想食，佢又用佢OpenRice account book咗一日，咁我同佢又走去食呢個辣辣香鍋。一坐低，我哋就叫辣辣香鍋，食食吓中途，有個侍應走過嚟同我講，我哋要叫多嗰lunch set先可以享用免費辣辣香鍋。我就覺得好奇怪啦，因為第一次食都冇呢個情況，T and C又冇講冇寫。咁我就睇咗T and C好多次，我就同佢哋講T and C無寫要叫其他食物先可以有free dish, 佢問一問經理，最後先冇強迫我叫（一開始我未話睇咗T and C 佢係不斷叫我要叫嘢食先得）好啦 佢唔迫我叫食物，就叫我要order 茶先得，先可以享用相關免費食品。（其實T and C 都冇寫，但佢又係不斷講 我哋係要飲茶先得，茶位$10 個）因為唔想同佢爭辯
咁我第一次同朋友去，我朋友就用佢OpenRice account book咗1月尾11點去食。
第一次食我哋唔需要叫其他食物都可以享用到呢個優惠。十一點一開門去，人流較少，員工多，所以服務尚可，有熱水壺提供。最後食完，俾咗$33 左右服務費。
第二次，我另外一位朋友想食，佢又用佢OpenRice account book咗一日，咁我同佢又走去食呢個辣辣香鍋。
一坐低，我哋就叫辣辣香鍋，食食吓中途，有個侍應走過嚟同我講，我哋要叫多嗰lunch set先可以享用免費辣辣香鍋。
我就覺得好奇怪啦，因為第一次食都冇呢個情況，T and C又冇講冇寫。
咁我就睇咗T and C好多次，我就同佢哋講T and C無寫要叫其他食物先可以有free dish, 佢問一問經理，最後先冇強迫我叫（一開始我未話睇咗T and C 佢係不斷叫我要叫嘢食先得）
好啦 佢唔迫我叫食物，就叫我要order 茶先得，先可以享用相關免費食品。（其實T and C 都冇寫，但佢又係不斷講 我哋係要飲茶先得，茶位$10 個）因為唔想同佢爭辯啦，所以我就唔想吵啦。
但其實我係覺得好唔合理嘅
如果你T and C寫明，我明白啊！我都了解理解！但T and C又冇講，一開始就想老點我叫多個食物 但我同朋友，只有二人，根本就食唔落咁多，點解一定要我哋叫先。最後迫唔到我叫，就迫我要飲茶。
我好肯定 我唔會再去呢間餐廳。
如果你唔想做優惠，你大可以唔做優惠！但你做得，就請大大方方。
$10 茶位唔係錢問題，但感覺只係強迫消費者消費
（第二次去，見佢地都有叫隔離枱再叫嘢食，可能佢地做咗幾次覺得蝕本？）
但都係嗰句 你大可以唔做優惠，而唔係等客人坐低咗，食緊嘅時候先講話有其他附加條件先可以享用。
張貼
