57
5
5
港鐵康城站 B 出口, 步行約1分鐘 繼續閱讀
所有分店 (5)
電話號碼
28850911
開飯介紹
由香港星級主廚張錦祥全力打造,並以惹味香辣元素作主題。主廚以一菜一格,百菜百味的川辣為基礎, 再巧妙揉合世界各地特色香料,完美演繹蜀菜香鮮麻辣的層次口感,讓饕客們嚐味穿越地域的味覺享受,重新定義「辣」味饗宴的豪華體驗。 繼續閱讀
附加資料
5月9日只供應母親節套餐。
營業時間
今日營業
11:30 - 22:00
星期一至五
11:30 - 16:00
17:45 - 22:00
星期六至日
11:30 - 22:00
公眾假期
11:30 - 22:00
公眾假期前夕
11:30 - 16:00
17:45 - 22:00
付款方式
Visa Master AlipayHK 支付寶 現金 銀聯 Apple Pay 微信支付 OpenRice Pay
其他資料
網上訂座
Wi-Fi
酒精飲品
加一服務費
當面支付
有關獎賞計劃
食評 (76)
等級4 2021-05-31
119 瀏覽
#將軍澳 因事要到將軍澳, 決定相約住附近的朋友聚一聚💃, 畢竟疫情...大家都好耐無相約見面食飯! 🥲.👧朋友表示佢家附近開咗祥仔, 好丫, 天氣又濕又熱, 最啱食辣🌶出身汗! 祥仔由星級廚師張錦祥打造, 一於試試!.💁‍♀️午餐時間, 有午市套餐, 選擇頗多! 🐄🥩紅燒牛腩石鍋飯 $128 ~ 好多牛腩, 份量係超多, 牛腩微辣, 燜得超腍, 入口即化! 🥚石鍋飯是炒飯底, 香噴噴的! 🦐福建炒蝦麵 $128 ~ 麵軟硬適中, 掛汁! 🦐蝦亦超大隻爽口, 不錯啊! 同樣係份量勁多! 🐟招牌祥仔酸菜魚 $248 ~ 因為可選辣度, 唔太食得辣的友人決定要小辣! 🌶小辣於我等於係完全唔辣! 魚肉十分嫩滑, 唔腥有魚味🤤! 底下有大量酸菜, 大荳芽, 蓮藕片, 蒿荀片等等, 好豐富! 上湯亦好清甜, 麻麻辣辣的, 於我中辣會更好! 🍹再來2杯特飲, 店員推介紅豆豆漿, 我另要杯百香果菠蘿茶! 原粒紅豆大大粒, 煲得夠腍, 百香果茶亦清爽可口, 最重要係唔太甜, 讚! 👍🤤以午餐嚟講份量著實係大, 又或者我哋倆個女仔太細食🤣😂...一定係, 除非唔係! 😎 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-30
53 瀏覽
自從喺節目上睇過名廚Ricky大展身手,一直都想試下佢旗下嘅川菜餐廳祥仔辣辣。呢日就相約好友去食午餐。午餐有lunch set,雖然由星級大廚主理,但價格相宜,百元左右已有不少選擇。我們仨決定點兩個lunch set再散點一客酸菜魚。龍蝦湯蝦球拉麵配特色四小碟(會員價$128)湯底明顯真材實料,用上新鮮龍蝦熬製,湯頭鮮甜濃郁,味道毫不人工。幾隻大蝦球爽口彈牙,鮮味十足。拉麵略嫌煮得稍腍,但掛湯度尚可。我最鍾意特色四小碟,11款小菜中揀4款,心大心細咗一輪揀咗涼拌拍青瓜、辣滷珍肝、麻辣豬耳及辛辣紅海蜇花。幾款香辣前菜呈上來嘅時候紅油滿滿,好彩辣勁未算好厲害,微微辛辣醒胃又帶點刺激!涼拌青瓜則剛好中和一下其餘三款前菜嘅辛辣,比較清新。去骨海南雞飯($128)估唔到川菜餐廳都有海南雞飯食,一於試試!海南雞配上泰式辣醬及醬油,雞件肉質嫩滑,雞皮彈滑,都唔錯。如果加點創新fusion元素會更加impressive!招牌祥仔酸菜魚($248)呢度嘅酸菜魚係招牌菜,價錢比想象中平!一上枱就聞到花椒及迷迭香嘅香氣 ,原來呢度嘅酸菜魚喺川菜嘅基調上,仲融入咗唔同特色香料,例如法國菜經常用到嘅迷迭香、泰國青檸葉、台灣金不換等,端上來時色香味俱全,嗅覺亦得到滿足。酸菜魚份量慷慨,魚肉嫩滑唔易散,食到淡淡迷迭香嘅香,同時又唔會遮蓋本身嘅酸辣。我都好鍾意食底下嘅芽菜,吸收精華好入味。酸菜據聞係自家醃製,酸味特別突出。酸菜魚仲可以揀選辣度,非常貼心。食辣嘢唔點凍飲唔得,Lunch Set +$10可以加配飲品,飲品好大杯。百香果菠蘿茶甚有驚喜,果香及茶味平衡得啱啱好,清新解膩,酸甜開胃,值得一試。日式紅豆豆漿豆味香濃,加上軟綿嘅紅豆,更添口感。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-13
226 瀏覽
這個疫情真係搞到我好慘!本來有個辣局久不久可以同辣友一齊止止辣癮,都因為疫情惹的禍令我們一衆辣友已經很久沒有聚頭了!但好彩有車爸爸捨命陪老婆大人我去止辣癮。選了在旺角嚐過的新派辣店祥仔辣辣,尤記得上一趟吃過酸菜魚套餐超抵食,所以今次就來試試其它美食。昨天是今年首個酷熱天氣警告,熱辣辣的一天當然要點杯冰凍飲品先,選吃午市套餐加$10便可以配上一杯飲品,我選了百香果菠蘿茶而車爸爸則揀了日式紅豆豆漿,前者充滿果香而且不會過甜,後者則富有豆香之餘還是低糖豆漿,加上香甜粉淋的紅豆連我也很喜歡它呢!首先多謝吃不了辣的車爸爸也陪我來吃午餐,不過店家也有不辣菜式可選如他揀午市套餐中的香菇海鮮泡飯$148。奶白的湯頭喝下是充滿鹹鮮的味道,而內裏有不少魷魚、蝦肉、蟹柳及香菇好豐富呢!辣癮咬勻全身的我當然要吃辣吧!因此我就選定了麻婆豆腐石鍋飯$108。麻麻香香辣辣的麻婆豆腐用來佐飯吃就最合適,粒粒完整的豆腐被麻辣重重包圍汁醬比例恰到好處。而我就最欣賞這個麻婆豆腐配的是石鍋飯,大家也知車媽媽必定要相機食先,這個石鍋飯正正給我做到保溫的效果,而且更是用上炒飯底吃下去零舍香口。辣癮未止的我任性地點多一客小辣的水煮海鱸魚片$288,這客水煮魚端來的時候做到香氣撲鼻的效果,而且內裏的鱸魚片份量超級多光是這點已夠讚。魚片用上海鱸魚來炮製吃下去肉質香滑細嫩,最重要是沒多魚骨在內就算不懂吃魚的朋友亦不必擔心。水煮魚內除了鱸魚外還有不少萵筍、蓮藕片及芽菜,如此味道組合我是喜歡這個水煮魚是的。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-29
257 瀏覽
呢個招牌二人餐($488/會員$398),由前菜到主菜到甜品,食到飽一飽🤤好豐富好滿足!.👉🏻招牌口水雞鍾意食辣嘅母親讚不絕口🙌🏻口水雞唔係得個辣字,辣得黎夠香😻 辣汁入面食到好多配料,口感似xo醬,而味道有醋香,有麻辣,有芝麻花生香👏🏻🈯️推介指數: 🐥🐥🐥🐥🐥 (5/5).👉🏻酸辣紅海蜇花酸同辣嘅程度都好mild,唔會好heavy。海蜇同萵筍都幾爽口,係唔錯嘅開胃菜~🈯️推介指數: 🐥🐥🐥🐣 (3.5/5).👉🏻宮保蝦仁聽個名以為又係一道辣菜,原來係酸酸甜甜的🤣醬汁似咕嚕肉啲酸甜汁,蝦仁係細細粒咁,一啖一粒,口感爽嫩,唔錯~但麻麻地啲配菜。🈯️推介指數: 🐥🐥🐥 (3/5).👉🏻干鍋福建椰菜花雖然唔係真係用干鍋上,但味道一流!好好食!好鍾意佢除咗辣之外,仲有好重嘅孜然燒烤味~食落超級惹味😍🈯️推介指數: 🐥🐥🐥🐥🐥 (5/5).👉🏻招牌祥仔酸菜魚叫咗小辣,唔食辣嘅朋友可以揀唔辣添。鱸魚好滑,又冇骨啖啖肉😍份量都好多下,食極都仲有魚🤣酸菜係自家醃製,鍾意佢唔會過份酸,就咁食都ok~面頭除咗辣椒仲有啲rosemary,幾特別!配菜有萵筍、芽菜、蓮藕,好食!👏🏻🈯️推介指數: 🐥🐥🐥🐥🐥(5/5).👉🏻自家酸菜肉末配薄餅肉碎麻麻地,偏乾😔佢肥肉少,又冇汁,所以食落真係乾咗啲...餅皮又乾,成件事還好。🈯️推介指數: 🐥🐥(2/5).👉🏻酒釀桂花湯圓有桂花香,都食到酒糟酸酸地嘅味道,但個湯實在係有啲太甜😖食開少甜嘅朋友未必接受到咁甜。🈯️推介指數: 🐥🐣(1.5/5).‼️終極之評分‼️✍🏻味道: 4/5✍🏻抵食: 3.9/5✍🏻環境/服務: 4.6/5 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-22
344 瀏覽
收工同一樣同意辣野嘅朋友去咗呢間餐廳試試~-見到呢個辣辣招牌二人套餐真係啱哂我地!而且仲可以自選辣度,啱哂唔同程度嘅嗜辣者!仲有走辣可以選擇,適合唔食得辣嘅吃貨~前菜▪️酸辣紅海蜇花海蜇晶瑩剔透,又夠辣夠入味,食落爽口。仲有萵荀,非常新鮮爽脆。▪️招牌口水雞雞肉新鮮嫩滑,辣味度高,加入白芝麻同花生,夠哂香又惹味。主菜▪️招牌祥仔酸菜魚揀咗中辣,魚肉嫩滑,又夠入味!味道夠正宗,酸菜魚份量都幾多,自家酸菜都幾開胃,仲有份量都幾多嘅芽菜同蓮藕,食落都幾飽。酸菜魚仲加咗迷迭香調味,整體口感同層次再提升。▪️宮保蝦仁蝦肉幾爽口,配上甜甜辣辣嘅醬料,幾開胃。▪️自家酸菜炒肉末配薄餅呢個菜式第一次試!自家酸菜醃得好好,真係食到停唔到口,炒肉末好惹味又香口,加埋薄餅,整體口感層次滿足。▪️干鍋福建椰菜花干鍋比較少有,好有鍋氣,食落好爽口,椰菜花都幾新鮮!▪️酒釀桂花湯圓食完辣野,食返個甜品,非常完滿!都幾大碗,酒香非常濃郁,加上清香桂花味,湯圓幾大粒,湯圓入面芝麻都唔少,又夠芝麻香,加埋酒釀味,非常解辣。-飲品篇見到特飲就忍唔住要試試!▪️熱情之谷係香蕉、芒果汁、鳳梨汁同牛奶而整嘅沙冰,消暑又解渴!果味濃郁又有smoothie感覺,而且唔會太甜,一杯試到四個味道,口感豐富!▪️牛牛健康之選!係用左有super food 之稱嘅牛油果而整嘅沙冰,其他餐廳比較少見,所以朋友見到立刻話要點黎試。牛油果比想像中濃郁,加入牛奶同煉奶,增加smoothies 味道,夠哂解辣。-呢個二人餐CP值高,有多款菜式可以試到,而且份量都幾多,原價$488/2位,做會員仲可以$398/2位享用,真係好抵食! 繼續閱讀
(以上食評乃用戶個人意見 , 並不代表OpenRice之觀點。)