影片
更多
2013-09-22
365 瀏覽
朋友生日，撞啱中秋節後嘅星期六，壽星公話想試吓呢間，我又想試吓，穩陣起見，9月2號已經打電話嚟book位！因為呢間舖喺地庫，正門係樓梯落，加上我哋一行4人其中一人係坐輪椅嘅，所以book位嗰陣同聽電話嘅女職員講，而嗰位女職員都好有禮貌咁話冇問題，佢哋會安排搵雅蘭中心嘅職員幫手開部輪椅升降台，很好！我哋book咗6點半，但都早啲到，等佢哋都早少少安排唔使咁趕。企接待處嗰位女職員帶咗我哋過隔離，搵雅蘭嘅保安幫忙。不過可能佢哋唔常用，所以都搞到6點35分先落到去。入到去坐定定，侍應解釋點寫單（我諗起以前小學學能測驗都係咁教我哋畫格仔），跟住放低一大碟肉，隻碟大，肉少，少係好事，因為係雞翼、豬頸肉同雞扒，止餓好了唔使咁多。同埋一人一隻大虎蝦！大虎蝦一人一隻，可樂（好淡）一人一杯，其他任食。隻蝦燒得耐啲，但最重要係結果。蝦頭好多膏，蝦肉好爽口，正！其他嘢食冇影相呀，因為未燒嘅同其他食評一樣，燒咗嘅就更加唔使分享，因為燒得靚唔靚同宮崎冇乜關係，因為唔係佢哋燒嘅！個爐好奇怪，由最初只係我嘅右手邊有火，慢慢逆時針走，到最後先平均返少少。除咗第一盤肉，其餘我哋淨係叫牛。牛舌比較靭，而其他就好淋好多肉汁，
因為呢間舖喺地庫，正門係樓梯落，加上我哋一行4人其中一人係坐輪椅嘅，所以book位嗰陣同聽電話嘅女職員講，而嗰位女職員都好有禮貌咁話冇問題，佢哋會安排搵雅蘭中心嘅職員幫手開部輪椅升降台，很好！
我哋book咗6點半，但都早啲到，等佢哋都早少少安排唔使咁趕。
企接待處嗰位女職員帶咗我哋過隔離，搵雅蘭嘅保安幫忙。不過可能佢哋唔常用，所以都搞到6點35分先落到去。
入到去坐定定，侍應解釋點寫單（我諗起以前小學學能測驗都係咁教我哋畫格仔），跟住放低一大碟肉，隻碟大，肉少，少係好事，因為係雞翼、豬頸肉同雞扒，止餓好了唔使咁多。同埋一人一隻大虎蝦！
大虎蝦一人一隻，可樂（好淡）一人一杯，其他任食。
隻蝦燒得耐啲，但最重要係結果。蝦頭好多膏，蝦肉好爽口，正！其他嘢食冇影相呀，因為未燒嘅同其他食評一樣，燒咗嘅就更加唔使分享，因為燒得靚唔靚同宮崎冇乜關係，因為唔係佢哋燒嘅！
個爐好奇怪，由最初只係我嘅右手邊有火，慢慢逆時針走，到最後先平均返少少。
除咗第一盤肉，其餘我哋淨係叫牛。
牛舌比較靭，而其他就好淋好多肉汁，好好食！
但我就唔知邊忽打邊忽，反正就係牛肉嗰張紙就全部都要，全部都食。
可樂得一杯就唔係好夠，加上好淡。要再叫就再加錢，我哋4個都冇加，寧願食夠鐘後去搵間cafe飲嘢好過。
到咗7點50分寫唔記得第幾張單，上咗枱冇耐見8點鐘係時候last order，未食晒都再寫多張再遞。
再冇耐就女侍應定經理同我哋講last order，同佢講唔使喇啱啱遞咗，當係提佢追單。
捽之我哋食到過咗15分鐘，先有個男侍應埋嚟熄火，剛剛好最後一件肉都燒好。但我懷疑會唔會係佢遲咗發現我哋過咗鐘，如果唔係都會如其他食評所講一夠鐘就熄爐。最得意係，個侍應唔係話夠鐘，係問我哋仲燒唔燒，佢都熄咗爐啦！
唔緊要嘅~我哋都過咗鐘，笑吓囉！但係佢熄咗爐仲係好好火，原來係個網着晒火~
整體嚟講啲職員都好爽手，又有少許笑容又有禮貌。不過呢餐唔係好飽，一來燒嘢燒得耐，二來飲少咗嘢都有關！始終都要去第二度飲杯嘢先夠。
題外話/補充資料：
雅蘭中心嘅保安都好幫忙！
(以上食評乃用戶個人意見 , 並不代表OpenRice之觀點。)
張貼
