影片
更多
2015-07-26
5190 瀏覽
一直在中環返工成日黎呢個大厦食飯, 但就偏偏成日經過但未食過Jimmy Kitchen, 所以心血來潮約朋友食呢間;睇openrice先知呢度成日用黎拍戲~個日serve我地嘅侍應非常好服務同講解個menu, 同埋俾咗個圓梳化我地好好傾計~得個set menu, 2 courses $258, 3 courses $298, 呢個價錢以中環晚餐黎講真係好平~ 但可惜無我啱食; 好食beef wellington, 但daily special個menu要星期五先有~所以最後我同朋友都散叫, 因我好想試個個fried mushroom; main dishes叫咗牛尾飯同fish & chips~個fried mushroom $92, 真係好得好好味, 麵包糠包住個蘑菇炸, 但一d都唔油, 好乾好鬆脆, 可惜得5舊咁少, 呢個真係好味好想encore!!fish & chips $198, 好普通; 牛尾飯$228, 三大舊好軟好入味, 個汁撈飯食好得!!最後當然唔可以錯過呢度嘅baked alaska火焰雪山 $184 二人份量, 侍應好好人叫我地準備影相, 個藍色火好正!! 我唔食
一直在中環返工成日黎呢個大厦食飯, 但就偏偏成日經過但未食過Jimmy Kitchen, 所以心血來潮約朋友食呢間;睇openrice先知呢度成日用黎拍戲~
個日serve我地嘅侍應非常好服務同講解個menu, 同埋俾咗個圓梳化我地好好傾計~
得個set menu, 2 courses $258, 3 courses $298, 呢個價錢以中環晚餐黎講真係好平~ 但可惜無我啱食; 好食beef wellington, 但daily special個menu要星期五先有~
所以最後我同朋友都散叫, 因我好想試個個fried mushroom; main dishes叫咗牛尾飯同fish & chips~
個fried mushroom $92, 真係好得好好味, 麵包糠包住個蘑菇炸, 但一d都唔油, 好乾好鬆脆, 可惜得5舊咁少, 呢個真係好味好想encore!!
fish & chips $198, 好普通; 牛尾飯$228, 三大舊好軟好入味, 個汁撈飯食好得!!
最後當然唔可以錯過呢度嘅baked alaska火焰雪山 $184 二人份量, 侍應好好人叫我地準備影相, 個藍色火好正!! 我唔食d cream, 入面個雲尼拿雪糕配蛋糕同雜果, 唔太甜啱啱好, 成個好味好完美嘅配搭!!
總括: 環境好坐適合傾計唔會催趕你, 服務好, 食物好味同價錢合玉里~
個炸蘑菇同火焰雪山好得, 好回味!!
張貼
