影片
更多
2008-08-02
43 瀏覽
知道朋友訂左位係呢度食飯,我即刻上OR睇食評,發現好多人話服務唔得,都驚驚地,好似分分鐘會俾人鬧咁,但係又無野喎,服務無乜大問題,不過係落漏左一個order(本來叫左上海粗炒,但無落到單),個經理同侍應等都好客氣,無唔禮貌既情況發生。反而,價錢比我想像中貴就真!我地七個人,點左六人套餐,包括三小碟,松子魚,燒元蹄,脆皮雞,火腿津白,小籠包,桂花杞子糕等等,我地揀左配砂窩雲吞雞($598)加多個回鍋肉炒年糕,仲叫大一幾碗白飯(因為用松子魚既酸汁撈飯好正!),實在係非常之豐富,大家都食唔晒!三小碟最好味係雞絲粉皮,其實呢碟真係無走雞,成日都咁好食,芝麻醬香,粉皮滑,雞絲嫩,如果有一間餐廳連呢味都整得唔好食,就真係好唔掂,所以呢味最快搶晒;薰魚唔得,唔夠乾,太多汁,唔夠香;另一碟係筍之類,唔好味,唔愛歡迎。松子魚勁好味,十分搶手,個皮又脆又薄,肉又唔係少喎,其實最好味係個甜甜酸酸既汁,一定要用黎撈飯呀!燒元蹄外層好肥,但係我專揀裡面既肉食,好腍好香,夠肉味,唔錯!脆皮雞多肉少肥呀,難得難得,個皮又真係幾脆喎,幾好呀!火腿津白竟然油左d膩左d…估唔到。小籠包唔算高水準,皮唔算薄,不過OK咁啦!
反而,價錢比我想像中貴就真!
我地七個人,點左六人套餐,包括三小碟,松子魚,燒元蹄,脆皮雞,火腿津白,小籠包,桂花杞子糕等等,我地揀左配砂窩雲吞雞($598)加多個回鍋肉炒年糕,仲叫大一幾碗白飯(因為用松子魚既酸汁撈飯好正!),實在係非常之豐富,大家都食唔晒!
三小碟最好味係雞絲粉皮,其實呢碟真係無走雞,成日都咁好食,芝麻醬香,粉皮滑,雞絲嫩,如果有一間餐廳連呢味都整得唔好食,就真係好唔掂,所以呢味最快搶晒;薰魚唔得,唔夠乾,太多汁,唔夠香;另一碟係筍之類,唔好味,唔愛歡迎。
松子魚勁好味,十分搶手,個皮又脆又薄,肉又唔係少喎,其實最好味係個甜甜酸酸既汁,一定要用黎撈飯呀!
燒元蹄外層好肥,但係我專揀裡面既肉食,好腍好香,夠肉味,唔錯!
脆皮雞多肉少肥呀,難得難得,個皮又真係幾脆喎,幾好呀!
火腿津白竟然油左d膩左d…估唔到。
小籠包唔算高水準,皮唔算薄,不過OK咁啦!
砂窩雲吞雞都只係合格而已,略鹹,有點油,雲吞十分一般。
回鍋肉炒年糕…一食就辣到我飛起,唔食得辣就唔好叫!同埋大大碟,都幾多油下…
至於甜品桂花杞子糕,其實近黎好多地方都有得食,於是有比較,咁我覺得呢度既桂花糕都算幾唔得,因為本應係清清地,香香地,唔會太甜,但係呢度既桂花糕得個甜字,無桂花香,雖然大大件(比一般大),但係應該重質不重量嘛!
食左好多野,可能有d野食左唔記得,但係據我記憶應該係咁上下啦!
總括黎講,食物質素都算OK既!
張貼