小曼谷海鮮燒烤屋

營業中

休息中

一大一細去食!串燒一雞一豬，肉質好un!菠蘿炒飯可以!咖哩雞（同佢講小朋友唔食辣，叫佢介紹黎到都係辣，都算!）咖哩味道還正常，啲雞又細又有小碎骨，食得要小心!原味薄餅（點咖哩雞個汁食）餅熱辣辣中間好多油（是正常嗎！？）最後自己想飲冬蔭功湯，問佢有邊隻一個飲，佢手指住個冬蔭功雞湯（仲講有海鮮，一個飲都有多）（我自己諗鍾意飲多少少唔緊要）點鬼知來到後湯只有菇同龍蝦仔，個湯又唔辣帶點酸，差勁到頂點! 結帳是仲燥，冬蔭功價錢唔係佢指個果價錢，飲到呢個湯真係原本價都唔想比架啦！同個亞姐講，佢仲話佢地無冬蔭功海鮮湯，發佢台溫!話我聽錯，我一大一細食，叫左甘多樣食物，妳估我無聽得清清楚楚先叫咩！嬲爆~侍應亞姐，唔該妳瞓醒先啦！妳公司無，唔代表妳誤導左我囉！無下次，食物質量又唔好，九龍城食泰國菜細鋪好過您地多多聲!死口唔認自己指過同講過，誤導人!第一次寫食評，從來都唔會大費周章又登記會員去評論!服務差差差，食物差差差，講完，希望其他食客多留意!服務差既時候真係無人幫架!