松屋日本料理 (已結業)

成日都講，餐廳幾好食都好，服務差的話只會令人唔再幫襯，所以服務質素係好重要！松屋係我要一讚再讚的表表者！我book位的時候，一再強調唔可以坐廁所位，但由於我分了2批人入去，所以係誤會情況下，先到的朋友坐左係廁所門口=_="我入到去當然火滾啦，無理由講明唔要廁所位偏俾個廁所位我!?咁我同負責人投訴啦！佢好有禮貌咁同我講盡快轉位俾我，(當其時都好滿人)，唔駛幾分鐘俾返個門口靚位我們(@_@"咁咪透露左我係邊個)，呢d服務態度係好多食肆應該要學習的！食物方面，首推燒物，好好味，燒蝦又正，雞軟骨又正其次係魚生，大大件，唔可以講好新鮮，但質素唔差！可惜甜蝦同鰻魚無得就咁叫來食......後推炸物，唔係差，只係水準參差，炸蠔有點硬。飲品方面，都係推介7喜百事好了.......雪糕方面，我無食 係朋友口中得知綠茶雪糕無綠茶味，但芝麻雪糕好好味尋日無得食我上次食過的燒/焗三文魚呀>_<,,小貼士：最好閒日食，因為人太多，食物速度慢，特別係燒物！出現極慢或無貨情況！(我去過2次簡直係好大分別！)如果人多最好分2張單叫食物，否則一次叫了好多魚生都只係放係一邊，好難分俾另一邊枱的人食！要訂枱