和匠日式燒肉店

營業中

休息中

朋友介紹，黎試新野！日式燒肉店。裝修好似日本舊式居酒屋、播住耳熟能詳既日文歌，氣氛好好！在日本都食過飛騨牛，見呢度有就馬上叫飛騨牛食，牛味濃、油香味重，超正！厚切和牛舌，外脆內軟，店長親自即席幫忙我們燒，非常好食！另一個店長推介，牛魔再現，A4沖繩和牛、美國Prime牛角切、美國Prime牛小排(店長教路升級做厚切），厚切真係正好多，肉汁勁爆，牛味極濃！大家記得要將個牛小排升級做厚切！牛肉質素好好，絕對值得獲好評，加上店員服務周到，又會教客人燒！讚！