貊炙

營業中

休息中

屋企人喺呢邊返工，成日都同我講話呢一間餐廳佢經過覺得好似幾好食，所以我就特登星期六嘅時候同屋企人一齊嚟食。呢一間餐廳係主打韓燒，但係係高級嗰種，無論係環境定服務質素，你都會感受到非一般嘅享受！當日嚟到呢一間餐廳，見到啲侍應全部都好有禮貌笑容滿面咁，佢哋亦都好熟悉餐牌，亦都會好貼心咁幫你燒。Steak Omakase廚師發板除咗日式之外，韓燒都可以咖！包括左牛肋骨、和牛羽下肉同五花肉。同時間都會提供生菜同其他唔同嘅蔬菜，仲有啲生蒜，成個味道豐富咗好多。大醬湯配飯入面嘅食材都幾豐富，味道唔會好鹹。豆腐好滑，飲啲湯成個人都會暖身啲。和牛他他喺香港要食到和牛他他多唔算多地方，無論係口感同味道都好特別，而且上面嘅蛋黃撈埋之後，再配埋啲紫菜配料一齊食，一大享受。和牛三角就咁睇都已經覺得啲牛質素好高，食落口脂肪比例幾好，但真係食唔到好多舊，會好容易滯😂呢度嘅甜品雪糕真係出奇地好食，佢嘅牛乳雪糕好滑身，而且唔會好甜。