樂酒場 がくさかば

營業中

休息中

尖沙咀棉登徑附近都出名多日本料理，今日覓食發現一間新開張嘎居酒屋，開飯喇仲做緊promo，資深食貨就梗系要試下啦。店鋪新開張，樓下串燒屋外賣站仲未完善，上到去都好有日本feel，站牌指示，日式裝修打卡位都好多。有正常凳位同榻榻米座位，位置都好闊落。店員介紹，距地主打生蠔，刺身同埋sake，真系好適合帶幾位老友一齊淺酌一杯啊。刺身拼盤五點盛：相當豐富，厚切魚生，一啖好滿足。三文魚新鮮肥美；帶子味道鮮甜；海膽都唔錯，味道鮮美；拖羅肉質細膩，入口即化，正！吉列蝦：相當香脆，口感豐富，蝦肉鮮味。串燒：豬頸肉搭配山藥紫蘇，真系第一次嘗試的搭配，但系味道又非常唔錯。雞頸肉勁有雞味，肉質鮮嫩多汁，味道正啊。炒麵睇落唔算大份，但系裡面好足料，青口，魷魚鋪滿底，炒麵上面仲灑左木魚屑，滿口都是海洋的味道，好味~香草羊架，肉質好鮮嫩，燒到表皮少少焦，好香口。重頭戲-季節生蠔：已搭配好蔥花，滴少少檸檬汁，入口順滑，海水味稍淡，肉質嫩滑而肥美，而後仲有少少鮮甜添。搭配距地噶酸汁，都非常唔錯。唯一美中不足是當日店鋪火爆，等候時間稍耐。