酒鍋 (天文臺道) (已結業)

台式嘅華麗裝修，帶一點高格調既氣派， 坐喺到食火鍋感覺好像都升呢了！新推出嘅晚市套餐 平民嘅價錢星級嘅享受趁收工6-8:30， 早啲過嚟食最抵， 嗰個套餐超多嘢食呀 兩個人根本上都食唔曬， 我哋仲加咗40蚊啤酒任飲埋添。個湯底七彩繽紛好靚呀， 麻辣湯底，肉骨茶，青咖哩同埋椰子雞，睇見都流哂口水頂級美國安格斯牛頸脊， 脂肪比例均勻， 色澤紅潤， 望到都知道夠曬新鮮。日本黑毛豬腩肉，有彈性夠煙韌而且有少量海鮮 ，海蝦大大隻，番薯蜆大大隻，口感都很不錯。餐前小食拼盤，有豬頸肉，炸雞翼 ，炸油鬼同埋炸紫蘇， 每樣都有啲一人一件，食落都幾香口惹味。脆炸響鈴同埋炸魚皮，脆卜卜，又係 小食多滋味， 平時又係食一兩舊就唔想食 ，而家 呢個份量就 啱啱好啦！鮮蝦水餃，菠菜皮韭菜餃 ，洋蔥豬肉蛋餃3拼都幾特別， 當中我覺得洋蔥豬肉蛋餃幾特別，腍腍的，有陣蛋香味菜籃菇丸類烏冬乜都有，食完一定飽哂其實一枱嘢食 兩個人真係食唔曬㗎D食物超多，男仕食就差不多。