焱丸水產

營業中

休息中

已經好耐無去過日本，好掛住當地既海鮮。想食下d日本風味既美食，朋友介紹咗我黎焱丸水產到食。一去到間鋪頭就好有日式居酒屋既風格，好似真係去咗日本咁，睇得出佢地係裝修同佈置上都花咗唔少心機。黎呢到就梗係要叫甲羅燒黎食，咁我同我朋友一個叫咗原味一個叫咗黑松露味。食完之後我地都覺得原味係比較食到蟹膏個鮮味多d。另外仲嗌咗個生蠔，覺得呢個size食落好有滿足感，而且好creamy，又唔會有腥味。開頭講既居酒屋又點可以少得酒呢？呢個提供既酒類好多。小酌一番又得，要成班fd飲到盡興都得。今餐體驗幾好，下次都會再帶朋友黎聚會。