Green Orange

今晚又同老公拍拖食晚餐啦。我地在上環找了一間西餐廳食晚餐，朋友介紹了好耐，今次仲于有機會試啦。餐包熱辣辣又鬆軟，配橄欖油及醋食，兩種口味兩種感覺。餐廳有3款餐包提供的，我地食了蜜糖及黑水橄。另一款是芝麻味。柚子帶子沙律有新鮮爽口蕃茄仔，生菜，火箭，鮮甜柚子肉，帶子香煎了，面香脆，肉淋淋。非常之開胃，令我食肉大增。蟹肉南瓜廉忌湯折殼蟹肉份量多，配上香濃又甜又滑廉忌南瓜湯，非常之“正”，兩個人一份湯都可以。香煎鵝肝伴黑松露雜箘意大利飯鵝肝厚切再煎香，面上加了些香濃的黑松露，而飯是加了些炒香蒜蓉碎去煮，非常香口，每粒飯都比香濃汁液包住，食時飯粒煙靭好有口感。一路食一路lam lam 脷，非常滿足。鵝肝外脆裡淋，油份在口裡流。朱古力布朗尼伴雲呢拿雪糕球甜品令我出吃驚，因為之前食物已令我有點飽了，我原本只想點一少份甜品食下，但當服務員放低甜品時嚇了一跳。因為有3件布朗蛋糕及2個雪糕球。布朗蛋糕有香濃的朱古力味又好食。一啖濃味蛋糕一啖淡雲呢拿雪糕。最後過了一個開心又飽嘗美食的晚上。餐廳給食客有種放工後慢慢品嘗美食的靚環境。