峰景餐廳 (已結業)

因為AE卡有折，於是今晚就來試下，但係折完都覺得好唔抵。。。首先頭盤嗌左個意式八爪魚沙律，八爪魚味道清新，口質唔錯。而牛扒嗌左5成熟，但唔知點解肉眼扒都極度多筋，切唔開，切到手都攰，最重要係牛扒冇牛味。另外嗌左個印式煎鱈魚配薄餅，薄餅又乾又硬。到甜品，嗌左個雪糕(提子冧酒)冇乜冧酒味，得個甜字。整體賣相都好一般。而服務方面，侍應服務差，冇乜禮貌，舉極手都冇人理，落單時又聽唔到人講嘢，同一句說話要講3次，可能佢覺得好重要，所以要我地講3次。最後餐廳環境雖然望住維多利亞，但食飯時覺得比較嘈。