影片
更多
2011-04-12
2 瀏覽
4月7日約左同事嚟呢度食飯,其實係睇雜誌知道呢間新開業既日式燒肉,所以好想試下,訂左位8點果個時段,我地7:35已經嚟到,不過因訂左8點及前一輪要8點先交枱所以就未入得住,跟住我地一路等見越嚟越多人,好恐怖,差唔多8點簡直係迫爆個門口咁滯,過左一陣見開始叫位,跟住就行埋去問下,一片混亂,唔知係點樣安排入座,又唔俾飛人等,總之你問佢佢就話安排緊但係其實好亂,見帶位員有寫低d紙幾多人及姓名,但係一d寫一d唔寫唔知想點,跟住我地問佢佢又話執緊枱,但其實係隨口答你,你要不停咁問煩住佢佢先會理你,因我問左好幾次,跟住佢就帶我地落去話計返入座時間兩小時俾我地,我地七個都係女仔,所以佢安排一張卡位,但應該係6人枱,得一個爐,一坐低就送每人一隻大虎蝦,真係好大隻,只係將隻蝦放落個爐度燒已冇晒位,跟住就係送每人一杯雜果賓治但係都冇咩味的,只包一杯飲品,再飲就要另外俾錢,食物方面有雞牛豬都好多唔同既部位選擇,如牛舌,雪花肥牛,和牛,等等,豬亦係有好幾款選擇,有些疏菜,粟米,冬菇,南瓜,茄子,豆腐等,熟食方面有刺身,壽司,沙律,天婦羅等,沙律選擇都好幾款,蝦沙律,蕃茄沙律,雜菜沙律等等...我地都叫左好多次
食物上菜第一輪都算快,不過我地只顧燒隻大蝦已用左好多時間,隻大蝦真的好爽口,好彈牙,好多膏好好味呀!牛其實都好好味,一口牛肉粒,牛扒都好淋身,不過我地都燒唔到咁多,因有兩個同事唔食牛的,所以要燒下羊,豬,雞,羊只有羊架,但好肥,麻麻地,豬有豬頸肉,五花腩等等,雞有雞亦,雞肉,雞亦係單骨好好味呀.
天婦羅味道ok,沙律好好味所以我地叫左好多次,份量都好多的,其實沙律既配菜係一樣,不過只係蝦,蕃茄等唔同.我地燒下燒下就9點幾,第二輪之後既上菜速度明顯慢左及亂左,因叫左但都冇嚟到好多次都係咁.
我地再叫左每人一杯飲品,見佢有一些特式的飲品於是就試下,我叫左荔枝蘆薈梳打,但係都冇咩蘆薈的,好少,味道唔突出有咩荔枝味.
整體係試一次先,下次要試下,可能日式燒肉既熱潮太勁所以咁多人想食,但係安排上面實在需要改進,尤其係咁多人只得一個爐又要1個半鐘就唔俾你再入單要埋單,時間實在唔係好夠呀.
張貼
