影片
更多
2019-05-23
3097 瀏覽
晌FB某飲食專頁見到介紹依間酒店dinner buffet有長腳蟹生蠔同片皮鴨任食, 即時book黎試下, 6:30pm去到waiter就好快帶我地坐低, 服務態度唔錯, 跟住我就出去食物區巡下睇下有咩食, 點知出到去, 生蠔係有既, 但唔見長腳蟹同片皮鴨, 於是我就問waiter點解冇? 原來係要7點半後先會出, 咁即是話, 7點半前入坐果D, 好容易會唔小心食飽左都未有蟹腳食, 咁其實都唔緊要既, 食住等, 最特別既係佢有個好大既海鮮粥底蒸鍋, 上層係蒸海鮮, 下層係粥, 開頭因為未想食熱食住所以未拎住, 點知轉頭已經冇左上層, 得返下層個粥... 諗緊究竟佢會唔會refill, 點知原來係我太天真... 終於等到長腳蟹喇, 嘩! 一出不得了, 唔洗幾分鐘洗晒, 好彩我又唔岩出左去拎緊食物先見到佢出長腳蟹, 有幸食到頭輪長腳蟹, 但係原來唔好開心得咁早, 蟹肉係霉既, 完完全全地唔新鮮, 失望, 後黎見佢成半個鐘先再refill蟹腳, 但我已經唔想再食... 好喇, 有片皮鴨食喇, 望住個片皮鴨師傅晌度處理隻鴨, 但佢似乎係唔識片既, 見佢切左幾野跟住徙手扯甩隻鴨塊皮... -_
好喇, 有片皮鴨食喇, 望住個片皮鴨師傅晌度處理隻鴨, 但佢似乎係唔識片既, 見佢切左幾野跟住徙手扯甩隻鴨塊皮... -_-", 每份有一小塊肉仔同一小塊皮仔, size係我既母指頭果一節... 唉.. 都係試左算... 冇encore.
總結, 佢個buffet今次既賣點完全係伏位, 首先唔計好唔好食, 唔明點解長腳蟹同片皮鴨唔係一開始有, 要7點半後先有, 另外長腳蟹既refill速度太慢, 慢到唔多合理, 片皮鴨亦切得過份細粒, 似食醬仲多過食粒鴨, 每位送一客既鮑魚花膠一品鍋, 粒鮑魚粒係預左, 但成個鍋係得個鹹字... 有openrice coupon有7折, 折左四百幾一位, 個人認為可以有更好既選擇
凍蝦OK既, 都實淨唔霉, 生蠔不過不失, 專人開蠔, 每次最多可以被分配3隻:
沙律吧選擇唔多, 亦唔太新鮮, 菜唔爽脆:
其他熱食, 唔太吸引:
長腳蟹又淡口又霉, 睇相都見到佢霉:
細細粒片皮鴨, 叫住少醬都係俾咁多醬既:
鮑魚花膠一品鍋, 一個字- 鹹:
杏汁桃膠燉鮮奶, 甜到那喉:
成晚最好食既係個雪糕:
甜品選擇少, 味道一般:
梳夫厘現場即焗, 但每次出10個左右, 我出左去3次先拎到, 比起其他甜品, 依個算係好食:
一入門口就見到既影相位:
張貼
