投鮮食 (已結業)

係旺角太子洗衣街附近有間小店，依家咁嘅大環境，都想盡量支持下小店，今日同咗個朋友過嚟買咗外賣返屋企食，廢事成日留喺條街啦🤣間餐廳嘅theme幾特別，睇吓餐牌用左紅白藍斜間條，有啲郵件feel，見到設計有俾到心機，值得一讚我自己點咗日式咖喱豬扒焗飯，豬扒好香脆!我朋友點左個日式照燒雞扒飯，雞唔會乾爭爭鞋颯颯咁，一讚咁我哋兩個人就叫多咗一個小食拼盤，個小食拼盤可以有四樣揀其中三樣小食，咁我哋揀咗完整吉列炸孩子，吉列炸蟹鉗，蟹肉忌廉薯餅，下次有機會再試佢嘅大蝦飲品叫咗個荔枝果茶，唔會死甜味，飲落好舒服等左一陣就拎番屋企食，因為睇到個師傅係新鮮即炸，啲嘢真係好好食，唔同出邊嘅炸物，小店先會有咁好嘅心機，好感動，今日天氣無啦啦凍左，食啲新鮮即炸嘅嘢食真係大滿足兩個飯都好足料，而且有好多蔬菜，因為我都幾注重健康嘅人，係非常之開心，仲要啲菜唔係好求其又唔好食嘅配菜，簡單講就所有嘢都係水準之上。價錢真係超值，我同朋友都食到好飽！我同朋友都決定咗之後都會再嚟食過，好想試埋佢其他炸物