十二鍋 (已結業)

佐敦莊士倫敦廣場成幢大廈都係火鍋放題集中地放假約咗同朋友去打邊爐🍲一入到去已經俾地下新開嘅台式火鍋吸引住！呢間台式火鍋有12款湯底選擇 包括台式沙茶牛肉鍋、麻辣火鍋、蕃茄鍋🍅、黃金南瓜鍋、美肌鍋、羊肉鍋、泡菜豚肉鍋、胡椒豚骨鍋、老薑麻油雞鍋、酒香藥膳雞鍋、酸辣白肉鍋。。而當日嘅期間限定係壽喜燒🍲每個套餐包括一個鍋 配烏冬或者飯 同埋一杯飲加錢仲可以揀滷肉飯添🥰 我鍾意食羊 所以揀咗養生藥膳羊肉鍋配料包括 羊肉片、冬瓜、貢丸、淮山、蟲草花、海鰻魚丸、娃娃菜、蜂巢豆腐、炸支竹、鳴門卷、香菇、韓國粉絲 養生湯底 夠晒入味 羊肉片好滑🤤肥瘦適中 配菜方面 海鰻魚丸最特別😜係有鰻魚製成 好好味呀！湯底味道非常濃郁 所有配菜都好入味😛另外朋友揀咗黃金南瓜鍋🎃超正呀！南瓜好濃郁 係真正南瓜熬製而成👍🏻配料方面 配豬腩片 另外配菜有芝士腸、胡椒豬肚丸、蟹子丸 另外嘅配菜同羊肉鍋差唔多 新開業送油炸鬼 好邪惡啊😻脆卜卜嘅油炸鬼浸落南瓜湯底入面 吸晒南瓜湯 超入味好正啊🤤另外滷肉飯 水準都唔錯 同台式餐廳嘅水準差唔多 打邊爐配滷肉飯又幾好味😋