草民 (已結業)

星期五晚上難得可以夾到時間，又唔使OT，緊係約埋三五知己食好D，傾下偈，放鬆下，迎接週末，有個開心假期喇。我地三個人揀左草地位置，要脫鞋先可以坐在草地上，草地位置的枱不算大，枱是圓圓的，有高有低，如果叫得多就好難放得曬。我地三個叫左焦糖單骨雞翼，烤雞芝士墨西哥餡餅，慢煮BBQ美國豬肋骨，白酒煮青口，63度卡邦尼溫泉蛋意粉，兩杯凍果茶同一杯熱茶，最後還有甜品，搽茶心太軟。好似好多野食，三個人分量都剛好。最令人滿意的是，每一碟都好出色，有水準，賣相也討好，每一樣都是超美味，沒有一碟是普通貨色。真的嘆為觀止。不過我建議女仔唔好著短裙，因為坐草地，好唔方便，而正常的坐位就好容易比坐草地的人望到😎😎，要留意一下。其實草地位置不多，但呢個係一個重要的賣點。