106
30
5
港鐵尖沙咀/尖東站 B2 出口, 步行約4分鐘 繼續閱讀
電話號碼
66932896
開飯介紹
提供室內草地的cafe,招牌甜品「爆脆草地滾球」即朱古力球,敲開裡面還有朱古力脆米、甜酒啫喱和雪糕,而「草地」則是綠茶金寶。 繼續閱讀
營業時間
今日營業
12:00 - 22:00
星期一
全日休息
星期二至日
12:00 - 22:00
付款方式
AlipayHK 支付寶 現金
其他資料
支持減塑 詳細介紹
當面支付
食評 (161)
早前同朋友邀請我嚟到尖沙咀呢間幾特別啲Cafe食生日飯,佢聲稱可以響草地上食飯幾得意,攪到我幾期待,多謝朋友先😁去到發現原來空間唔大,真正有草嘅空間不大,剩係得三張枱,而且佢嘅草係假草😅摸上去同埋坐上去都係好假嗰種,坐得又唔算好舒服,同我想像中嘅有啲出入🙄我以為全間鋪頭都係舖滿草添。不過好在佢啲嘢食都唔錯,第一次幫襯,我哋當然要點佢嘅入門級,你網上好多人點去嘅車仔飯($138),我哋都點一份啦!佢有好多種配搭可以選擇,肉類豆類同埋糙米飯,我哋最後揀咗雞肉配番茄粟米法邊豆同埋南瓜糙米飯。其實佢整個餐都係非常之健康,我覺得有啲似嗰啲減肥餐😂,不過雞肉係好味嘅似慢煮雞胸,其他嘅食材都算新鮮同埋盡量保持原汁原味,配上柚子油醋,感覺清新,不過$138/份我哋就覺得賣得貴左少少喎🙄63度溫泉蛋卡邦尼意粉($88)就真係唔錯,佢用上我最喜愛嘅扁意粉,意粉煮得啱啱好硬度適中,佢嘅溫泉蛋汁和醬汁好完美咁樣結合,好均勻咁沾上每一條意粉!加上火腿和小蘑菇,整體味道亦很好,我幾推薦這道意👍我們再點一個小食鮮茄蓉芝士焗肉丸($66)呢個有驚喜啵,肉丸上面鋪左鮮茄蓉芝士再去焗,香濃得來好滋味,佢啲肉丸一開始我哋expect好似IKEA嗰啲細細粒,點知佢係大大粒好似乒乓波咁有五粒,而且覺得又唔會好乾!幾好味喎👍😆 另外佢嘅紫薯鮮奶幾正!紫薯味幾香甜唔假!拿破崙蛋糕中間勁多吉士醬,真係我最愛,抗拒唔到啊,咳都要食😝😝整體來講呢間cafe嘅食物質素係幾好, 食物都相當有誠意,係啲假草令我有少少失望🤔。小小題外話,同場隔離兩張草地嘅枱比一班好嘈嘅女人霸占左,佢哋講嘢真係好大好大好大聲,有啲大煞風景,本身佢另一個賣點就係冇限時任坐,我哋仲諗住慢慢傾,我哋真係比嗰班女人嘈到想快啲食完快啲走😣,不過唔關呢間cafe事😟______________________________店名:草民 環境🏝:8/10服務💁🏼‍♀️:7/10 價錢💰:6.5/10食物質素🍝:8.5/10 整體🙆🏻‍♂️:7.8/10 地址:尖沙咀厚福街12-12A號藍馬商業大廈9樓 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-29
1861 瀏覽
尖沙咀區cafe小店好像不太多,呢間草民走年輕人路線、簡單輕色帶點健康!看餐牌上選擇的不算很多但看看材料都幾用心同有誠意的!是次慶祝朋友生日,預約了不過可能係平日關係來到CAFE都未FULL!  我們三人點了- 63度溫泉蛋卡邦尼意粉、白酒煮青口、西班牙黑豚火腿青雜菜沙律配香蒜蕃茄油醋、微辣蕉糖單骨雞翼及當天精選北海道帶子蟹籽意大利飯。而甜點就選了爆脆草地滾球及茉茶心太軟! 餐廳食物質素不錯, 都幾用心而且係即場制作熱辣辣上! 每一道菜味道都幾好, 特別推介一下個白酒煮青口, 青口新鮮而且入味! CAFE的店面簡約簡單的帶小小木制餐牌Café都以舒適及綠色為主63度溫泉蛋卡邦尼意粉溫泉蛋都幾滑的而個汁又不算太咸白酒煮青口青口新鮮而且個汁好味GOOD!!西班牙黑豚火腿青雜菜沙律配香蒜蕃茄油醋火腿同沙律菜新鮮不過若果佢加埋個火箭菜就PERFECT微辣蕉糖單骨雞翼這個有點偏辣的不過就岩我個人口味北海道帶子蟹籽意大利飯帶子都幾大粒不過就略嫌個飯太淋紫著鮮奶不算太甜都不錯茉茶心太軟個人認為入面的溶的茉茶不夠多沒有一切就爆將的效果不過味道不錯的爆脆草地滾球朋友生日就再BOOK抬時講左寫名及HAPPY BIRTHDAY朱古力球入面是雪糕來的 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-24
1794 瀏覽
相約朋友A 午飯,她說要減肥,基本上十個女性九個都要說減肥,個個女性都說,希望最少減十磅。於是打算去厚福街藍馬商厦吃日本餐,諗住清淡一點⋯⋯坐升降機中,當中有位男士,他按9樓,於是便多口問他: 9樓吃什麼的?他答: cafe ,又再追問: 好吃嗎?他抹一抹汗,笑笑答: 幾好,尤其甜品。看著他在九樓出,好奇下跟著出⋯⋯看看餐牌,食店名稱: 草民, 原來食草的,啱晒朋友A, 於是立即打電話給朋友A, 改其吃午飯地點。再看入開放式廚房,原來剛才那男士,正正是㕑子。大概中午一時,全場未有食客,健康飲食應該大受女士歡迎吖!為何未有食客?於是筆者可以大膽地四圍拍照,不怕影響他人。還有一個小角落,人造草地,食店形象應該很受學生歡迎。對著窗口的一排位置,那人造草皮造得很像樣,中午吃飯,過來抖一抖,紓解倦氣。一坐下,店員會將一支水放下,自斟自飲,適合水怪的我。午餐主打吃車仔飯,車仔麵就吃得多,何謂車仔飯呢?餐牌先來介紹一下雞肉含有豐富的蛋白質和多種維他命,更能恢復疲勞和防止肌膚老化⋯⋯正,食餐飯好過做 facial 更指出其番薯的好處,原來番薯當我們咀嚼時,碳水化合物唾液中的酵素消化,故感到了番薯的甜味⋯⋯單看此餐牌介紹,對食物的認知又多了一點點⋯⋯值得一提的是,外賣自取免加一外,自攜帶食物盒來更減$5, 支持環保,值得一讚。車仔飯$78(餐跟什菜沙律,是日甜品和精選茶。)自選主菜一款: 雞胸、魚柳、三文魚、牛柳配菜選三款: 甘荀、鷹嘴豆、南瓜、粟米、番茄、法邊豆、日本番薯、合桃五穀類選其一: 南瓜糙米飯、菠菜糙米飯、番茄糙米飯沙律醬汁:香蒜番茄油醋、蜜糖芥末醬、柚子油醋餐牌尾頁,還有食品照片以作參考。三文魚配合桃南瓜日本番薯番茄糙米飯~朋友A 吃得開心,女士感覺吃了不會肥,越吃越靚。阿拉斯加鱈魚枊配南瓜邊豆日本番薯菠菜糙米飯~蜜糖芥末醬配沙律菜味道唔錯,鱈魚柳如煎得乾身點、香口一點會味道更佳。喜歡那烤南瓜,一路吃那配菜,清新健康之選。是日甜品:有點像莎莉蛋糕,單吃頗甜,但配上那餐茶: 日式玄米茶,中和那甜度,又幾正吖!除車仔飯外,還有其他意粉、精美小食及甜品,留待下次再試吧! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-01
75 瀏覽
第二次與朋友黎呢度茶聚,鐘意呢度個假草地,平日下午唔多人,可以靜靜咁吹下水,又唔會趕人,又唔會被打擾,不過d假草確實幾吉肉吓,所以最好著長褲先好坐!(另外就係要預早book位先可以㨂草地位)食物方面,我叫左杯菠蘿特飲,都幾好味,唔會太甜,如果跟餐叫,仲會有半價!主菜我㨂左牛柳粒飯,牛柳既味道都唔錯,唔會太咸都唔韌,未至於非常好食,但以價錢黎講,都算合理!飯就係我最喜歡又健康既糙米,不過伴碟既沙律菜就有些少苦,加上我本身唔多喜歡芥末醬,所以冇食曬d菜! 繼續閱讀
(以上食評乃用戶個人意見 , 並不代表OpenRice之觀點。)
等級2 2019-08-31
60 瀏覽
Bookmark左好耐 終於黎到試下叫左個車仔飯之選揀左 三文魚扒、南瓜、蕃薯、法邊豆配柚子醋個飯係雜穀米個正餐最驚喜係三文魚扒夠大 南瓜一般般 比較希望係日本南瓜嗰種質感甜薯好味法邊豆都正常雜穀飯係幾健康架 食落夾雜啲紅米糙米但係無咩味嘅 所以餐廳都好細心咁比左七味粉啲沙律菜都幾新鮮 配汁食好fresh之後半價加左杯紫薯鮮奶幾好飲但個甜品怪怪地 質感似莎莉蛋糕但覺得咸咸地 可能係朱古力mousse cheesecake啲friend~ 繼續閱讀
(以上食評乃用戶個人意見 , 並不代表OpenRice之觀點。)