澄海小館 (已結業)

訓到晏一晏，終於捨得去食lunch，走過幾間茶記泰菜館，最後去左b想食的潮州菜餐廳食。我地坐正切檔窗旁，望住師父超勢咁切，流曬口水了。B的滷水燻蹄飯36滷豆腐同滷蹄都唔少，肉夠鬆，滷水汁又入味，二人大讚。加3有汔水等b都快吃完，我的加辣馬拉炒貴刁45才到太大碟了吧，足二女子夠飽的份量，叉燒雞旦芽菜蝦仁樣樣齊，加了辣有不少咖哩辣粉同紫天椒粒，炒得具獲氣，大吃的我實在感到不好意思，努力吃下還是剩了三份一呢，被迫放棄。跟餐例湯無味精，是紅蘿蔔豬骨湯，超清甜足料又唔油，渣湯參半，兩個人分享喝後又係讚到不得了。P.S.由於無茶檔關係，並無奶茶飲lu，只有例湯汔水供應，正常一般的潮州店呀。