澄海小館

營業中

休息中

Terrible terrible restaurant, had a life threatening experience there. My 13 yrs old little sister had their oyster porridge and she threw up because of the sharp and large pieces of oyster shell and impurities found inside the porridge. We found it unbelievable that they allowed this to ever happen, but what’s more shocking is their attitude towards this. Someone threw up IN YOUR ESTABLISHMENT. yet we didn’t even receive a single apology or any response in that matter. No offering tissues o

由落單到取外賣一共用咗1小時，亦比預取時間遲多40分鐘，外邊太熱，入去餐廳入邊等，老闆就話下次唔好俾外賣客入嚟阻住做生意，座位只招呼客人尤其自己朋友，外來顧客盡量不要勉強去！我明白假日難得多客，就算做唔切，都係接咗先，我見到另外好多外賣都等超過45分鐘，但係老闆絕對唔在乎，淨係叫你等，想取消又唔得，與其係咁，就不如假期唔好做外賣啦！平時見到週日都係冇人幫襯，原來係因為服務質素差，不過外賣乾燒伊面和炒菜都好咸，所以都係唔好食咁多！希望老闆繼續生意興隆，身體健康事事順利！

等。等。等。叫外賣自取，顯示有得拎先去拎，點知去到仲要等多半個鐘，明明餐廳入面已經冇乜人，廚房好似得一個廚師咁，十分鐘先出到一碟野。由落單到拎要50分鐘，對我嚟講幾好食都唔會有下次仲要等等下期間有隻老鼠係門口頂到跌落嚟，嚇餐死。

大街好多嘢食，中式茶記都有好幾間，呢間幫襯過好多次，有炒粉麵飯，潮州打冷，滷水拼盤，外賣堂食都試過。買外賣飯盒，星洲炒米、乾炒牛河、炒飯等等，貪佢即叫即炒，香口，又有鑊氣。其他單點餸菜份量正常，味道不錯。

第一次落鴨脷洲大街食晚飯，6:00pm等到8:00pm都未出到餸。如果唔係食加工海鮮，走左好耐。唔係嬲到震😤，都唔會打呢個食評。人生第一個差到要為佢開post 寫👍🏻👍🏻👍🏻一定唔會有下次。無人會預二個鐘等出餐，仲要係堂食。外賣仲差，外賣🥡要等到天荒地老等到客人取消埋，都仲未可以出到🥶

今晚來一晚潮州夜🍚•獅頭鵝個鵝整得好滑好入味 鹵水整得好好味 又唔會好咸 好味•澄海滷水雜錦拼盤呢個雜錦樣樣都有啲 最愛當然係腎 岩哂我呢個樣樣都想試 樣樣都想食少少既餵食妹•西蘭花炒牛肉牛肉炒得唔岩岩好 唔會好老 炒個靚西蘭花和一和•青魚細細條 魚肉好嫩滑 全清🫶🏻

保持傳統老字號的食品風味！值得嘗試！鵝片，蠔仔餅都係其中嗰晚食既野，味道都好到位。另外潮式凍魚同滷水拼盤都好夠味，醬汁都好正！另外舖頭亦有海鮮加工，當晚我地自己買左海鮮去舖頭，魚就清蒸蜆就用豉椒炒~勁正！廚師亦會同我地傾下計感覺佢會想不斷進步保持品質同味道。雖然舖面環境一般，但食物質素都保持到傳統老字號風味！大家可以嚟試下！

大不如前，以前外賣堂食都大份美味，鵝同雞都好出色，但轉手后價錢貴左，鵝好似變到來貨咁，刀法差，斬碎骨，食開既唔會再食，未食的可以試下，因為轉手前太出色，所以而家先覺得失色

澄海小館鴨脷洲悅海街102號地舖評分6.5/10🌟—————————————人生地不熟，行完海傍聞到陣海水味忽然好想食海鮮，就隨便入左一間餐廳食海鮮🍴估唔到又唔錯-1️⃣蝦醬炒通菜$70 5/10食落唔算鹹，但又食得出蝦醬既香味。菜唔油，咁既價錢算係唔錯。-2️⃣胡椒豬肚湯 $90 7/10足料高汁。重胡椒味，鹹菜好出，豬肚都有12-15舊左右，幾足料-3️⃣椒鹽塔沙🐟$200 8/10呢款菜係經事頭婆推薦之下食到Hidden Menu，炸到脆一脆連魚頭都食得😋魚肉白，唔腥，配埋喼汁係可以空口食曬成碟🥢———-事頭婆好搞笑又熱情，環境雖然唔係豪華裝修，但勝在衛生企理，食完好滿足。

今日同屋企人黎澄海小館食晚飯，其實都食過好多次了，不過呢到既鵝片真係數一數二好食。由於呢間小店面積唔算大（其實有兩個舖位，一個對住大街正常既舖位啦，同埋一個喺後巷行入去既舖位（唔係露天/後巷，只係要沿後巷行入去）），怕要等位既關係我地預早打電話去book位先。去到既時候準時8:30pm，都差唔多滿座！咁員工姐姐就安排我地6個人坐後巷行入去個個舖位。我地叫左幾碟小菜同埋鵝片啦，全部都好好食！！！座位都算闊落，當然唔好expect係好舒服既高級中菜廳咁樣，但係係乾淨舒適的。小菜既價錢大約平均$90一碟，份量正常，加埋味道我覺得算係抵食。菠蘿咕嚕肉：應該去邊食小菜都總有呢碟出現，酸酸甜甜咁好開胃，份量又夠。但係略顯個皮炸得唔夠脆。鵝片（拼鹵水豆腐豬大腸）：好瘦好好味，我唔鍾意食切得太厚或者太肥既鵝片，呢個真係100分。豬大腸我無食，但係屋企人覺得好食。豆腐一向係我既favourite，所以點我都覺得好食既。鹹魚雞粒炒飯：飯粒粒粒分明，唔會太油，有鹹魚香，好食。勝瓜雲耳炒肉片：新鮮，但少少太油。黃金鮮魷：每件魷魚都有鹹蛋黃覆蓋，幾好食。總共食左$740（加埋白飯同買兩罐汽水），我自己覺得以家庭

早上於黃竹坑見客，順便在附近找吃，來到香港仔區，吃魚唄！來到這鴨脷洲大街的相熟潮州小店，今天沒有吃它的鹵水，牆上寫了兩款蒸魚套餐，是它了，點了“豉汁蒸黃腳鱲”。等了十來分鐘，上菜了，絕對是即叫即蒸 ... 這條黃腳立，普通size，但看見魚眼魚頭定必新鮮，也沒蒸過火，豉汁濃度剛好，不會搶了魚的鮮味，魚當然嫩滑，魚汁又充足，那個白飯，用一個普通的膠碗盛著，但乾身、熱辣辣，魚汁撈飯，一流！魚下面又墊住幾條青菜，雖然這樣有點「九唔搭八」，但有青菜落肚，健康。扺到爛🤩！

友人生日想吃潮州菜又想吃海鮮諗起呢度，可以喺隔離街市買海鮮過嚟加工雖然店舖門面細細，其實他們還有另一地方可坐幾張大枱開始先叫個滷水拼盤加支啤酒食下一上枱好香濃的滷水味豉油王蝦碌，味道普普通通豉椒蟶子，沒有惹味嘅感覺油鹽水粉絲花甲，不過不失白灼蝦清蒸東星，可能蒸耐咗少少肉質有點韌辣酒煮花螺，沒有那種辣酒味清蒸方利，條魚剛剛熟，肉裏有點點血蠔仔粥，蠔仔肥沃美味蝦醬通菜，蝦醬炒得唔平均比較鹹椒鹽鮮魷，炸嘅脆皮一夾分開晒，椒鹽味不足總括來講應該淨係食潮州嘢好味六個人食最後都食淨開咗六支啤酒，最後仍然好口渴飲咗罐可樂返到屋企再隊左支水唔知係咪味精比較重手呢

今日朋友請食飯，來左澄海小館, 友人叫左老闆精挑幾樣海鮮:-蒸星斑（時價）星斑斑蒸得火侯剛好，肉質很嫩滑，新鮮，無腥味! 蒸鮑魚（時價） 蒸鮑魚時間掌握得剛剛好，隻鮑魚爽口彈牙，很鮮味! 蒸蟹（時價） 蟹肉好鮮甜，凍食配埋酸汁，夠晒開胃，啖啖肉啖啖鮮!另外叫左幾樣打冷食品，不過質素一般，呢到都係海鮮比較好，因為朋友請，所以唔知價錢，不過聽話幾抵食!人均: $150 - $200抵食: 💰💰💰💰味道: 😋😋😋😋服務: 💁🏻‍♀️💁🏻‍♀️💁🏻‍♀️💁🏻‍♀️環境: 😉😉😉😉

 鴨脷洲本土Staycation進入尾聲，其實大家都有點依依不捨。臨別一餐，選來口碑不錯的「澄海小館」。由於疫情關係，10個人要分3張檯坐，食物好多時要遞黎遞去，其實好唔方便，但為了安全，麻煩些少無問題。滷水拼盤份量十足，恐怕要6位以上先可以清得到。當中包括墨魚片、鵝肝、鵝掌、鵝翼、紅腸、滷水蛋、豬耳、豬腸、腩肉、花生及豆腐，可以話集齊了店中的滷水出品，真係好啱三五知己飲下啤酒吹下水慢慢嘆!滷水鵝片可以話鬼斧神工，難以想像鵝片可以切到紙咁薄，令人想起另一名店「阿鴻小吃」，同樣以刀功見稱，滷水味似乎較輕盈，而且鵝肉亦都比預期中嚡。肉碎蠔仔粥份量十足，蠔仔飽滿大隻，咬落充滿汁液，好味。豉椒蟶子皇朋友即場加料炮製，蟶子肉好大條又爽口彈牙，辣辣地超正。椒鹽九肚魚可以講係整餐飯表現最好既菜色，外層微脆而香口，內裡軟綿綿，送啤酒一流。金銀蛋白菜都習慣了每餐飯都要點一碟菜，金銀蛋白菜好有家常菜的感覺，正常不過。炸蝦餅有點似泰式炸蝦餅，不過炸得啱啱好，夠香口。沙爹牛肉炒河好地道潮州菜，牛肉質地嫩滑，沙爹味道還可以，但太甜了，而且個人不太喜歡沙爹汁有點杰身，如果兜亂會更合心意。整體而言是水準以內，還是可

朝早完成玉桂山行程，中午約同友人在「澄海」聚餐！雖然在 Staycation 前不認識「澄海」，可是在前一年街道探索時多次經過「澄海」，被「澄海」的滷水鵝陣容，令我湧出一番激動，包括口水的滾動，哈哈哈！置身店內，還可近距離看到鵝雜，其實我喜愛鵝雜甚於鵝肉！先來例湯，味道純和潤喉，帶有無味精甜香的住家風格，不錯也！就是這位刀功了得的師傅，讓我首次見識到薄切鵝片！真的是我的史上最薄，鵝片細嫩不柴，咀嚼時鵝香突出，口感比平日的鵝片多了一份輕盈，莫非就是師傅的薄切刀章帶來的美意？這個薄切鵝片值得一試！嘩，滷水拼盤豐富、豐盛又豐味，當中的鵝雜真了不起，質感佳、滷味香而不過重。而滷水掌翼則入味剛好，嫩中有彈的肉質是我的最愛！如果白滷水墨魚來個厚切，相信口感應更加完美。整體很不錯，忍不住多吃了幾件鵝肝，事後慚悔不已！潮州滷水吃過了，轉轉 Channel 來一道海鮮。蟶子的新鮮度，熟度、口感均令人相當滿意，只是芡汁有點過甜，加丁點辣該會更惹味！炸蝦餅火喉佳，乾身、不油，入口酥香可口，唯一是與白滷水鵝片同樣未夠厚身，厚一點更有口感啊！很久沒吃過這般鮮美、水盈、滑溜兼大塊頭的狗肚魚了，同樣展示出一流的炸功