金酒屋

營業中

休息中

荔枝角呢間居酒屋好popular，聖誕節約朋友食飯就嚟咗呢度！呢度有幾款食物好吸晴，亦都好味！金酒杯同埋桃丼都好推介。金酒杯有齊海膽、拖羅蓉、蟹肉同三文魚子，味道好豐富！三文魚子份量慷慨，食得好滿足。桃丼有海老同拖羅蓉，加埋個蛋黃，淋少少壽司豉油，將所有嘢一啖放入口，各種滋味大爆發，好正。金龍珠海膽吞拿魚蓉卷中間又係有個濃味嘅蛋黃，流心的，海膽同蛋黃嘅口感同味道都好夾！我自己好鐘意。食完凍野就食壽喜燒牛肉鍋，有圖有真相，牛肉高質，配料豐富，冬天必食呀！呢度嘅串燒都多選擇，我覺得自家製雞皮蝦幾好食👍🏻 黑豚五花腩夠厚身都幾好。呢度有幾間房，下次幾個朋友gathering可以黎呢度。