味道樂居酒屋 (河內道) (已結業)

我係一個都幾慳家嘅女仔，所以一般我食開嘅飯店餐廳都唔會太貴，日本嘢唔算太常食，因為一般都唔會太平。今次經開尖沙咀河內道附近見到間日本野真係好想食，兩個人點左蟹籽壽司（兩件）、甜蝦壽司（兩件）、帶子壽司（兩件）、油甘魚壽司（兩件）、蟹膏帶子壽司（兩件）、鹽燒雞翼、鹽燒雞軟骨、鹽燒厚切特上牛舌、香炸紫心，由於佢哋餐廳係單點食物，所以一般食物質素都比放題嘅日式餐廳好，特別鍾意食佢哋嘅甜蝦同埋帶子，真係好鮮甜！而且兩個人食到飽飽買單都係$400左右，真心讚！