影片
更多
2025-05-09
2465 瀏覽
慶祝結婚週年，今次揀咗去尖沙咀霜瀛日本料理試吓佢哋嘅Omakase廚師發辦套餐<醐>，每位$1380💑✨一入到餐廳，發現裝潢用咗雲石同木為主調，感覺輕奢又有質感。坐位唔多，所以每位客人都可以被師傅好好照顧到🤗。整間餐廳都係bar枱，可以一路食一路欣賞師傅嘅刀功。前菜三品就好有水準，日本螺、湯葉腐皮、日本粟米🌽，都係好清甜好開胃。接住落嚟嘅櫻花蝦茶碗蒸真係絕對唔可以錯過，滑溜溜嘅蒸蛋加上櫻花蝦，鹹香得嚟非常特別🦐。刺身嘅部分，甜蝦、櫻花木煙薰鰹魚同帶子都非常新鮮。尤其係鰹魚，用櫻花木炙燒過，添咗一份獨特嘅木香，仲加上食用金箔，好高貴✨。接住嘅季節料理係日式慢煮鮑魚配鮑魚肝醬，鮑魚嫩滑，味道超一流😋。然後就係我哋最期待嘅壽司環節🍣，我哋最愛嘅係黑糖伊佐目同大拖羅壽司，鮮美多汁，好有口感🧡。壽司係可以追加，想追加邊款同師傅講就可以。吸物係舞茸菇湯，清清地好暖胃🍄。甜品雪糕全部都係來自日本，特別之處係有果粒，為今餐盛宴畫上完美句號🍨。
一入到餐廳，發現裝潢用咗雲石同木為主調，感覺輕奢又有質感。坐位唔多，所以每位客人都可以被師傅好好照顧到🤗。整間餐廳都係bar枱，可以一路食一路欣賞師傅嘅刀功。
前菜三品就好有水準，日本螺、湯葉腐皮、日本粟米🌽，都係好清甜好開胃。接住落嚟嘅櫻花蝦茶碗蒸真係絕對唔可以錯過，滑溜溜嘅蒸蛋加上櫻花蝦，鹹香得嚟非常特別🦐。
刺身嘅部分，甜蝦、櫻花木煙薰鰹魚同帶子都非常新鮮。尤其係鰹魚，用櫻花木炙燒過，添咗一份獨特嘅木香，仲加上食用金箔，好高貴✨。接住嘅季節料理係日式慢煮鮑魚配鮑魚肝醬，鮑魚嫩滑，味道超一流😋。然後就係我哋最期待嘅壽司環節🍣，我哋最愛嘅係黑糖伊佐目同大拖羅壽司，鮮美多汁，好有口感🧡。壽司係可以追加，想追加邊款同師傅講就可以。吸物係舞茸菇湯，清清地好暖胃🍄。甜品雪糕全部都係來自日本，特別之處係有果粒，為今餐盛宴畫上完美句號🍨。
張貼
