香香宮煮 (金輝大廈)

營業中

休息中

趁天氣仲涼涼地未熱之前，要約朋友去打邊爐，朋友好鍾意相機食先同打卡既地方，今晚我帶左佢去香香宮煮。餐廳個名好cute，朋友去到餐廳仲更加有驚喜，門口已經有宮廷皇帝龍椅嘅佈置，同埋好多宮廷服裝，不過唔知食客係咪可以著上身影相，裏面裝修仲有好多唔同宮殿嘅名牌，裝修喺入型入格。湯底有好多選擇，而且嗰個湯底都係好特別，喺出邊比較少見嘅湯底，例如今晚我地點左期間限定既龍躉片木瓜魚湯鍋，個魚湯每日新鮮秘製，濃郁奶白色魚湯，配合原個木瓜，魚湯嘅鮮甜，加上木瓜嘅甜味，未煮嘢食之前我已經忍唔住飲咗好多啖湯。