金殿泰國菜 (已結業)

今日放工好想食泰國菜，於是就係屋企附近揾左呢間泰菜試下。由於去唔到泰國旅行，又想解除口引既關係，唯有係香港食，一嘗滋味。門口有些外賣小食，例如蝦餅，芒果糯米飯，椰青，椰汁西米糕等等。泰式春卷春卷總共有4條，每條再切開一半，如果人多可以share,店員真細心。春卷即叫即炸，當中有豬肉碎，蘿蔔絲，粉絲和菜，含料十足，炸完出來仲係脆卜卜。木瓜沙律一絲絲既青木瓜絲切成一小條，配上花生，豆角，小蕃茄，辣椒，乾蝦，甜甜酸酸辣辣，味道好地道呀，好像置身在泰國咁呀，呢個真係好出色。菠蘿炒飯炒飯夠晒乾身，當中有粟米粒，青豆，蘿蔔，鮮尤，蝦，腰果和肉鬆，種類好齊全呀，味道好地道，份量都多。馬拉盞炒通菜通菜香而嫩口，又唔會太油太辣，配上少量紅椒和乾蒜，非常清甜。芒果糯米飯五色嘅芒果糯米飯真係第一次食，除咗傳統嘅白色同黑色之外，額外竟然仲有藍色，綠色同黃色，鮮艷奪目。芒果鮮甜再配上椰汁，令人回想起泰國既風味，冇諗過竟然有驚喜，兩個人食真係綽綽有餘。如果有時唔想諗，其實食套餐簡單之餘又抵食。泰國菜黎講價錢都算比較平民，份量又多，真係一個不錯嘅選擇。