Sky726

朋友帶我去旺角彌敦道一幢大厦位於25樓既餐廳吃西餐，一踏入餐廳就見到落地大玻璃，可俯瞰旺角，景色迷人。而餐廳内裝修又好有格調，燈光柔和，非常有氣氛。食物質素又高，尤其甜品款式多，值得再去！合桃提子乳酪沙律，琥珀合桃脆口，沙律菜夠新鮮。周打蜆忌廉湯，好creamy。熱騰騰香草包，鬆軟美味。三文魚慕絲，fusion 小食，質感輕盈好清新，充滿三文魚味。加拿大海膽闊條麵伴三文魚籽，海膽份量多又夠鮮甜，而麵條又好彈牙，加埋大大粒三文魚籽，爆口感覺相當惹味。慢煮黑毛豬扒配意大利黑醋汁及牛肝菌，黑毛豬肉味夠香而肉質又嫩，配合高級意大利黑醋來吃更有層次，而牛肝菌菌味濃郁，超好吃！焦糖香蕉伴布朗尼，美味又富藝術感，就好似一幅畫作咁。